ମୁମ୍ବାଇ ୩୦/୬: ବଲିଉଡରେ ଏବେ ରଣବୀର ସିଂହଙ୍କ ଆଗାମୀ ଫିଲ୍ମ ‘୮୩’ର ଜୋରଦାର ଚର୍ଚ୍ଚା ହେଉଛି। ଏପରି ପରିସ୍ଥିତିରେ ଫିଲ୍ମ ‘୮୩’ର ସହ-ନିର୍ମାତା ମଧୁ ମଣ୍ଟେନା ଏକ ନୂଆ ଖୁଲାସା କରିଛନ୍ତି। ଏହି ଫିଲ୍ମର ସୁଟିଂ ଜୋରସୋରରେ ଚାଲିଥିବାବେଳେ ନିର୍ମାତା ସେୟାର କରିଛନ୍ତି ଯେ ଯେପରି ଏହି ଫିଲ୍ମ ୧୯୮୩ମସିହାରେ ବିଜୟ ଉପରେ ଆଧାରିତ ହୋଇଥିଲା ସେହିପରି ଯଦି ଭାରତ ଏହି ବର୍ଷ ଆଇସିସି କ୍ରିକେଟ ଓ୍ବାଲର୍ଡ଼ କପ୍ ଜିତେ ତେବେ ଆଉ ଏକ କ୍ରିକେଟ ଫିଲ୍ମ ପ୍ରସ୍ତୁତ କରାଯିବ ଯାହା ୨୦୧୯ର ବିଜୟକୁ ସିଲଭର ସ୍କ୍ରିନରେ ଦର୍ଶାଇବ।
ରଣବୀର ସିଂହ ଏହି ଫିଲ୍ମରେ କପିଳ ଦେବଙ୍କ ଭୂମିକାରେ ନଜର ଆସିବେ। ଏହି ଫିଲ୍ମଟି ହିନ୍ଦୀ,ତାମିଳ ଏବଂ ତେଲୁଗୁ ଭାଷାରେ ରିଲିଜ ହେବ।
