ମୁମ୍ବାଇ ୧୯।୦୪: ବଲିଉଡ ଆକଟ୍ରେସଙ୍କ ମଧ୍ୟରେ କ୍ୟାଟ୍ ଫାଇଟ୍ ଏକ ସାଧାରଣ କଥା  । ଫିଲ୍ମ ପାଇଁ ହେଉ କିମ୍ବା ବ୍ୟକ୍ତିଗତ କାରଣରୁ, ଅନେକ ସମୟରେ ଅଭିନେତ୍ରୀଙ୍କ ମଧ୍ୟରେ ହୋଇଥାଏ ମତଭେଦ । ଇଣ୍ଡଷ୍ଟ୍ରିରେ ଏମିତି କିଛି ଆକଟ୍ରେସ ଅଛନ୍ତି ଯେଉଁମାନେ ପରସ୍ପରର ମୁହଁ ଦେଖିବାକୁ ପସନ୍ଦ କରନ୍ତି ନାହିଁ । ଏହି ଲିଷ୍ଟରେ ଅନେକ ବଡ ବଡ ଅଭିନେତ୍ରୀ ରହିଛନ୍ତି । ତେବେ ସେମାନେ କିଏ କିଏ ଆସନ୍ତୁ ଜାଣିବା…

ଲିଷ୍ଟର ପ୍ରଥମରେ ଅଛନ୍ତି ଦୀପିକା ପାଦୁକୋନ ଏବଂ କ୍ୟାଟ୍ରିନା କୈଫ୍ । ଦୁହେଁ ପରସ୍ପରଠୁ ଦୁରେଇ ରୁହନ୍ତି । କୁହାଯାଏ କି ଏମାନଙ୍କ ଝଗଡାର କାରଣ ହେଉଛନ୍ତି ଅଭିନେତା ରଣବୀର କପୁର । ରଣବୀରଙ୍କ ସହ ସମ୍ପର୍କକୁ ନେଇ ଉଭୟଙ୍କ ମଧ୍ୟରେ ହୋଇଥିଲା ଝଗଡା । ସେବେଠୁ କେହି କାହା ମୁହଁକୁ ଅନାନ୍ତିନି ।

କଙ୍ଗନା ରାଣାୱତ ଏବଂ ଆଲିଆ ଭଟ୍ଟ । ସୋସିଆଲ ମିଡିଆରେ ଏମାନଙ୍କ କ୍ୟାଟ୍ ଫାଇଟ୍ ସାମ୍ନାକୁ ଆସିଥିଲା । ନେପୋଟିଜିମ୍କୁ ନେଇ ଉଭୟଙ୍କ ମଧ୍ୟରେ ହୋଇଥିଲା ଝଗଡା । କଙ୍ଗନା ଅନୁଯାୟୀ, ଆଲିଆ କେବଳ ମହେଶ ଭଟ୍ଟଙ୍କ ଝିଅ ହୋଇଥିବାରୁ ଇଣ୍ଡଷ୍ଟ୍ରିରେ କାମ କରୁଛନ୍ତି, ନହେଲେ ତାଙ୍କୁ ଇଣ୍ଡଷ୍ଟ୍ରିରେ କାମ ମିଳନ୍ତାନି ।

ଏହି ଲିଷ୍ଟରେ ଅଛନ୍ତି ଐଶ୍ୱର୍ଯ୍ୟା ରାୟ ବଚ୍ଚନ ଏବଂ ରାନୀ ମୁଖାର୍ଜୀ । ଏମାନଙ୍କ ମଧ୍ୟରେ ସେମିତି ବିଶେଷ କିଛି ହୋଇନାହିଁ । କିନ୍ତୁ ଉଭୟଙ୍କ ଝଗଡା ବହୁତ ପୁରୁଣା ।  କୁହାଯାଏ ଯେ ବଲିଉଡର କିଙ୍ଗ ଶାହାରୁଖ ଖାନଙ୍କ ଯୋଗୁଁ ଏମାନଙ୍କ ମଧ୍ୟରେ ମତଭେଦ ହୋଇଥିଲା।

ପ୍ରିୟଙ୍କା ଚୋପ୍ରା ଏବଂ କରୀନା କପୁରଙ୍କ କ୍ୟାଟ୍ ଫାଇଟ୍  ‘କଫି ୱିଥ୍ କରଣ’ ଶୋରେ ସାମ୍ନାକୁ ଆସିଥିଲା  । ଯେଉଁଠାରେ ବେବୋ PCଙ୍କ ଆମେରିକୀୟ ଉଚ୍ଚାରଣକୁ ପରିହାସ କରିଥିଲେ । କୁହାଯାଏ ଯେ ସେବେଠାରୁ ଉଭୟଙ୍କ ମଧ୍ୟରେ ଚାଲିଛି ମତଭେଦ । 

ଆଲିଆ ଭଟ୍ଟ ଓ ଶ୍ରଦ୍ଧା କପୁର । ଏମାନଙ୍କ ଭିତରେ ବି ସେମିତି ଖାସ୍ ସମ୍ପର୍କ ନାହିଁ । କୁହାଯାଏ ଯେ ସିଦ୍ଧାର୍ଥ ମଲହୋତ୍ରାଙ୍କ ଯୋଗୁଁ ଦୁହିଁଙ୍କ ମଧ୍ୟରେ କ୍ୟାଟ୍ ଫାଇଟ୍ ଆରମ୍ଭ ହୋଇଥିଲା।