ମିଷ୍ଟର ପରଫେକ୍ସନିଷ୍ଟଙ୍କ ଆଲିସାନ୍ ବଙ୍ଗଳା, ଜାଣନ୍ତୁ କଣ ରହିଛି ଖାସିୟତ୍...

Published By : Prameya-News7 Bureau | March 14, 2023 IST

ମୁମ୍ବାଇ ୧୪।୦୩ ; ବଲିଉଡର ମିଷ୍ଟର ପରଫେକ୍ସନିଷ୍ଟ ଭାବେ ବେଶ୍ ପରିଚିତ ଅମୀରଖାନ । ତାଙ୍କ ଫ୍ୟାନ ଫଲୋଇଙ୍ଗ ମଧ୍ୟ ଖୁବ ଅଧିକ । ସେ ବଲିଉଡକୁ ଅନେକ ହିଟ ଫିଲ୍ମ ଭେଟି ଦେଇଛନ୍ତି । ମୁମ୍ବାଇର ଏକ ବିଳାସପୂର୍ଣ୍ଣ ଘରେ ରୁହନ୍ତି ଏହି ସୁପରଷ୍ଟାର । ଆସନ୍ତୁ ଜାଣିବା ତାଙ୍କ ବଙ୍ଗଳା ସମ୍ପର୍କରେ ଏକ କିଛି ଖାସ୍ ଖବର ।  

{"id":757666,"width":818,"height":534,"sizeSlug":"full","linkDestination":"none"}

ମୁମ୍ବାଇର ବାନ୍ଦ୍ରାରେ ରହିଛି ଆମୀରଙ୍କ ଆଲିସାନ୍ ବଙ୍ଗଳା । ଏହା ୫ହଜାର ବର୍ଗ ମିଟର ଉପରେ ବ୍ୟାପିଛି । ଏହି ଘରଟି ବେଶ୍ ବଡ ।  ବିଳାସପୂର୍ଣ୍ଣ ଆପାର୍ଟମେଣ୍ଟରେ ରହିଛି ପାର୍ଟି ପାଇଁ ବହୁତ ସ୍ପେଶ୍ । ଏକ ରିପୋର୍ଟ ଅନୁଯାୟୀ, ଏହି ଘର ପାଇଁ ୬୦ କୋଟି ଟଙ୍କା ଦେଇଛନ୍ତି ଆମୀର ଖାନ୍ । ଘରେ ଅନେକ ନାମୀଦାମୀ ପେଣ୍ଟିଙ୍ଗସ୍ ଲାଗିଛି । ଏମିତିକି ଘରେ ଏକ ବୁକ୍ ସେଲଫ୍ ଅଛି, ଯେଉଁଥିରେ ଆପଣଙ୍କୁ ଅନେକ ଉପନ୍ୟାସ ରହିଥିବା ଦେଖିବାକୁ ମିଳିବ । ଆମୀରଙ୍କ ଘରେ କାଠର ଆସବାବପତ୍ର ରଖାଯାଇଛି ଯାହା ଅତି ସିମ୍ପଲ୍ କିନ୍ତୁ ଦେଇଥାଏ କ୍ଲାସିକ୍ ଲୁକ୍ । ଘରର ଡୋର ଗୁଡିକ ମଧ୍ୟ କାଠରେ ତିଆରି । ସେ ପ୍ରାୟତଃ ନିଜର କ୍ବାଲିଟି ଟାଇମ୍ ନିଜ ଘରେ ଏବଂ ପରିବାର ସହିତ ବିତାଇଥାନ୍ତି ।  ଘର ବାହାରେ ଏକ ସୁନ୍ଦର ଗାର୍ଡେନ ରହିଛି । ଯାହାର ସୁନ୍ଦରତା ମନ ମୋହି ନେଇଥାଏ ।

{"id":757667,"width":854,"height":638,"sizeSlug":"full","linkDestination":"none"}

ଏହାବ୍ୟତୀତ ଘରର ବାଲକୋନି ମଧ୍ୟ ଖୁବ୍ ବଡ । ଏହାର କାନ୍ଥ ଗୁଡିକ ଧଳା ରଙ୍ଗରେ ରଙ୍ଗିନ ହୋଇଥିବା ବେଳେ ଏହା ଶାନ୍ତିର ଅନୁଭବ ଦେଇଥାଏ । କହିବାକୁ ଗଲେ ଏହି ଆଲିସାନ ବଙ୍ଗଲାରେ ଥିବା ସମସ୍ତ ଜିନିଷ ବେଶ୍ ଦାମୀ । ସମୟ ମିଳିବା ମାତ୍ରେ ନିଜ ଝିଅ ସହ ସମୟ ବିତାଇବାକୁ ପସନ୍ଦ କରନ୍ତି ଆମୀର । ଯଦି ଆମୀରଙ୍କ ୱାର୍କ ଫ୍ରଣ୍ଟ ବିଷୟରେ କହିବା, ତାଙ୍କୁ ଶେଷଥର ପାଇଁ ଲାଲ ସିଂ ଚଡା ଫିଲ୍ମରେ ଦେଖିବାକୁ ମିଳିଥିଲା । ଏହି ଫିଲ୍ମଟିକୁ ଫ୍ୟାନ୍ସଙ୍କର ଭଲ ରେସପନ୍ସ ମିଳିନଥିଲା । ଏହା ପରେ ଆମୀର ଫିଲ୍ମରୁ ବିରତି ନେଇଛନ୍ତି ଏବଂ ପରିବାର ସହିତ ବିତାଉଛନ୍ତି ସମୟ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.