ବାରଙ୍ଗ :ଭୁବନେଶ୍ୱର  ଇମ୍ଫୋସିଟି ଥାନା ଅନ୍ତର୍ଗତ ଇମ୍ଫୋସିଟି ଗେଟ ସମ୍ମୁଖ ଗୋଟିଏ ଚାରି  ଚକିଆ ଯାନ ଜଳିଯାଇଛି ।   ଗୋଟିଏ ବୋଲେର ଜଳିଯାଇଥିବା ସୂଚନା ମିଳିଛି ।

  ଗାଡିରେ କେହି ନଥିବା ବେଳେ ଏଥିରେ ନିଆଁ ଲାଗିଯାଇଥିଲା । ଇମ୍ଫୋସିଟି ଥାନା ଅଧିକାରୀ ଙ୍କ ସୁଚନା ଅନୁଯାୟୀ ଗାଡି ରେ ସଟସର୍କିଟ ଯୋଗୁ ନିଆଁ ଲାଗିଥିଲା ।  ଦିନ ପ୍ରାୟ ୨ଟା ସମୟରେ ଗାଡିଟି ଜଳିଯାଇଥିଲା । ଏହା ହୁ ହୁ ହୋଇ ଜଳି ଉଠିଥିଲା ।

ପରେ ଅଗ୍ନିଶମ ଗାଡି ପହଞ୍ଚି ନିଆଁ ଲିଭାଇଥିଲା । ମାତ୍ର ସେତେବେଳକୁ ଗାଡି ଟି ସମ୍ପୂର୍ଣ୍ଣ ଜଳି ସାରିଥିଲା । ଏଥିପାଇଁ ସେହି ରାସ୍ତାରେ କିଛି ସମୟ ପାଇଁ ଯାତାୟତ ବାଧାପ୍ରାପ୍ତ ହୋଇଥିଲା । ସମ୍ପୂର୍ଣ୍ଣ ଅଞ୍ଚଳ ଧୂଆଁ ମୟ ହୋଇଯାଇଥିଲା ।

ସୌଭାଗ୍ୟବଶତଃ ଏଥିରେ କେହି ଆହତ ହୋଇ ନାହାନ୍ତି ।