ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚାନ୍ଦବାଲି: କଇଥଖୋଲା ବଜାରରେ ଭୟାବହ ଅଗ୍ନିକାଣ୍ଡ, ଜଳିଗଲା ୧୦ରୁ ଅଧିକ ଦୋକାନ
  • ||
  • ବ୍ରହ୍ମପୁରରେ ପୁଣି ରାଗିଂ ଅଭିଯୋଗ, ଘରୋଇ ସ୍କୁଲରେ ଜୁନିୟରଙ୍କୁ ପିଟିଲେ ସିନିୟର
  • ||
  • ଭୁବନେଶ୍ୱର: ଗୁମର ଖୋଲିଛି ଶ୍ରଦ୍ଧାଞ୍ଜଳୀ, ଇଡି ହାତରେ ଲାଗିଛି ବିସ୍ଫୋରକ ତଥ୍ୟ
  • ||
  • ଚାନ୍ଦବାଲି: କଇଥଖୋଲା ବଜାରରେ ଭୟାବହ ଅଗ୍ନିକାଣ୍ଡ, ଜଳିଗଲା ୧୦ରୁ ଅଧିକ ଦୋକାନ
  • ||

ଧୁମଧାମରେ ପାଳିତ ହେଉଛି ବଏଲ ଯାତ୍ରା, ଶତାଧିକ ଭକ୍ତଙ୍କ ସମାଗମ

4/10/2022 at 8:51 AM

ବଲାଙ୍ଗୀର ୦୪।୧୦ : ଧୁମଧାମରେ ଚାଲିଛି ବଲାଙ୍ଗିରର ବଏଲ ଯାତ୍ରା। ଏହି ବଏଲ ଯାତ୍ରାର ଦେଖିବାକୁ ଲୋକଙ୍କ ଭିଡ଼ ଜମିଛି । କରୋନା ଲାଗି ଦୁଇ ବର୍ଷ ଧରି କଟକଣାରେ ପୂଜା ଚାଲିଥିଲା । କିନ୍ତୁ ଚଳିତ ବର୍ଷ କରୋନା କେସ୍‌ କମିଥିବାରୁ ଲୋକଙ୍କ ଭିଡ଼ ଦେଖିବାକୁ ମିଳିଛି ।

ତେବେ ଏହି ବଏଲ୍‌ ଯାତ୍ରାର ଏକ କିମ୍ବଦନ୍ତି ରହିଛି। ପାଟଣା ରାଜ୍ୟ ସମୟରେ ଚାଲିଥିଲା ଅଷ୍ଟମଲ୍ଲଙ୍କ ରାଜୁତି । ଧୀରେ ଧୀରେ ବଢ଼ିଥିଲା ସେମାନଙ୍କ ଦୌରାତ୍ମ୍ୟ । ତାହାକୁ ଶେଷ କରିବା ପାଇଁ ରମାଇଦେଓ ରାଜା ଅଷ୍ଟମଲ୍ଲଙ୍କୁ ମାରିବା ପାଇଁ ୩ ଦେବୀଙ୍କୁ ପୂଜା କରିଥିଲେ । ଦେବୀଙ୍କ କୃପା ଲାଭ କରି ସେମାନଙ୍କୁ ଗୋଟି ଗୋଟି ମାରିବାକୁ ସଫଳ ହୋଇଥିଲେ। ସେମାନଙ୍କୁ ପାଟଣାଗଡ଼ ଗଡ଼ ଭିତରେ ପୋତିଥିଲେ । ଏହି ଅଷ୍ଟମଲ୍ଲ ପୁଣି ସେହି ସ୍ଥାନରୁ ନ ଆସନ୍ତୁ ଓ ସମାଜର ମଙ୍ଗଳ ଉଦ୍ଦେଶ୍ୟରେ ଦେବୀଙ୍କ ଆରାଧନା କରାଯାଇଥିଲା। ଏହି ଉଦ୍ଦେଶ୍ୟରେ ପାଟଣାଗଡ଼ରେ ବଏଲ ଯାତ୍ରା ନାମରେ ପାଳିତ ହୋଇ ଆସୁଛି ଦେବୀଙ୍କ ପୂଜା । ରାତିରୁ ଭୋର୍ ପର୍ଯ୍ୟନ୍ତ ହେବ ଯାତ୍ରା । ୨ ବର୍ଷ ପରେ ଯାତ୍ରା ହେଉଥିବାରୁ ଲକ୍ଷାଧିକ ଲୋକଙ୍କ ଭିଡ଼ ଜମିବା ଆକଳନ କରି ପୋଲିସ ପକ୍ଷରୁ ମଧ୍ୟ ବ୍ୟାପକ ବ୍ୟବସ୍ଥା କରାଯାଇଛି ।

   Related Posts