ରାଇରଙ୍ଗପୁର ୦୭/୦୮: ରାଇରଙ୍ଗପୁର ବିଧାୟକ ଝିଆରୀ ତଥା ଦେବରାୟ କଲେଜ ଛାତ୍ରୀଙ୍କ ଆତ୍ମହତ୍ୟା । ଭୁବନେଶ୍ୱର ସ୍ଥିତ ରାଇରଙ୍ଗପୁର ବିଧାୟକଙ୍କ ସରକାରୀ ବାସଭବନରୁ ମୃତଦେହ ଉଦ୍ଧାର କରିଛି ପୋଲିସ । ମୃତକ ହେଲେ ରାଇରଙ୍ଗପୁର ବିଧାୟକ ନବ ଚରଣ ମାଝିଙ୍କ ଝିଆରୀ ବିନ୍ଦିୟା ମାର୍ଣ୍ଡି । ବିନ୍ଦିୟା ଭୁବନେଶ୍ୱର ସ୍ଥିତ ନୟାପଲ୍ଲୀ ଦେବରୋୟ କଲେଜରେ ଯୁକ୍ତ ଦୁଇ ଦ୍ୱିତୀୟ ବର୍ଷ କଳାର ଛାତ୍ରୀ ଥିଲେ ।
ବିଧାୟକ କକାଙ୍କ ସରକାରୀ ବାସଭବନରେ ରହି ଅଧ୍ୟୟନ କରୁଥିଲେ ବିନ୍ଦିୟା । ଶନିବାର ସନ୍ଧ୍ୟାରେ ବିଧାୟକ କକା ନବଚରଣ ମାଝୀ ଝିଆରୀଙ୍କୁ ଡ୍ରେସ ଓ ଖାଇବା ଜିନିଷ କିଣିଦେବା ସହ ସନ୍ଧ୍ୟାବେଳେ ଝିଆରୀ ଓ ପୁତୁରା ମାନଙ୍କ ସହ ଏକା ସହ ଖାଇବା ପରେ ରାଇରଙ୍ଗପୁରକୁ ଫେରିଥିଲେ ବିଧାୟକ । ଖାଇବା ପରେ ଝିଆରୀ ନିଜ ରୁମକୁ ଯାଇଥିଲେ ।
ହେଲେ ସକାଳୁ କବାଟ ନ ଖୋଲିବାରୁ ବିନ୍ଦିୟାଙ୍କ ଭାଇ ଡରି ଯାଇ ବିଧାୟକଙ୍କୁ ଜଣାଇବା ପରେ ବିଧାୟକ ପୋଲିସକୁ ଜଣାଇଥିଲେ । ପୋଲିସ ପହଞ୍ଚି କବାଟ ତାଡି ଘର ଭିତରୁ ଝିଆରୀଙ୍କୁ ଝୁଲନ୍ତା ମୃତ୍ୟୁ ଦେହ ଉଦ୍ଧାର ପରେ ଶବ ବ୍ୟବଛେଦ କରାଇ ମୋବାଇଲ ଜବତ କରି ଅଧିକ ତଦନ୍ତ ଚଳାଇଛି । ଆଜି ମୃତଦେହ ରାଇରଙ୍ଗପୁର ବଡ଼ ମହୁଲ ଡିହା ଗ୍ରାମକୁ ପହଂଚିବା ପରେ ଗ୍ରାମରେ ଶୋକର ଛାୟା ଖେଳି ଯାଇଛି ।
