scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଦେବୀ ନଦୀରେ ପାଣି ଭାର ଉଠାଇବା ବେଳେ ବୁଡିଯାଇଥିଲେ, ଦୀର୍ଘ ୧୬ଘଣ୍ଟା ପରେ ମିଳିଲା ନାବାଳକଙ୍କ ମୃତଦେହ

17/07/2023 at 1:00 PM

ଜଗତସିଂହପୁର ୧୭।୭: ଜଗତସିଂହପୁର ଆଳିପିଙ୍ଗଳ ଠାରେ ଜଳଲାଗି ପାଇଁ ପାଣି ଉଠାଇବା ବେଳେ ପାଣିରେ ବୁଡି ନିଖୋଜ ୧୪ ବର୍ଷର ଛାତ୍ରର ମୃତଦେହ ଉଦ୍ଧାର ହୋଇଛି । ଦୀର୍ଘ ୧୬ ଘଣ୍ଟା ଖୋଜାଖୋଜି କରିବା ପରେ ମୃତଦେହ ଉଦ୍ଧାର ହୋଇଛି । ଓଡ୍ରାଫ ଟିମ୍ ଓ ଅଗ୍ନିଶମ ବାହିନୀ ଦ୍ୱାରା ଛାତ୍ରଙ୍କ ମୃତଦେହ ଉଦ୍ଧାର ।

ସୂଚନାଯୋଗ୍ୟ ଯେ, ଜଗତସିଂହପୁର ଆଳିପିଙ୍ଗଳ ନିକଟସ୍ଥ କେତକେଶ୍ୱର ଘାଟରେ ଦେବୀ ନଦୀରୁ ପାଣି ଉଠାଉଥିବା ବେଳେ ରବିବାର ଦୁଇ ଜଣ କାଉଡ଼ିଆ ଭାସି ଯାଇଥିଲେ । ସେମାନଙ୍କ ମଧ୍ୟରୁ ଜଣେ  ଉଦ୍ଧାର ହୋଇଥିବା ବେଳେ ଅନ୍ୟ  ଜଣେ ନିଖୋଜ ହୋଇ ଯାଇଥିଲେ ।  ଅଗ୍ନିଶମ ବାହିନୀ ଖୋଜା ଖୋଜି ଜାରି ରହିଥିଲେ ମଧ୍ୟ ନିଖୋଜ କାଉଡ଼ିଆଙ୍କର କୌଣସି ସନ୍ଧାନ ମିଳିପାରିନଥିଲା । ତେବେ ଦୀର୍ଘ ୧୬ ଘଣ୍ଟା ପରେ ନିଖୋଜ କାଉଡିଆଙ୍କ ମୃତଦେହ ଉଦ୍ଧାର ହୋଇଛି । ମୃତ କାଉଡ଼ିଆ ହେଲେ ଜଗତସିଂହପୁର ଜିଲ୍ଲା ତିର୍ତ୍ତୋଲ ଥାନା ଅନ୍ତର୍ଗତ ବିଦ୍ୟାଧରପୁର ନୂଆପଡା ଗାଁର ରମେଶ ପ୍ରଧାନଙ୍କ ପୁଅ ୧୪ ବର୍ଷ ବୟସ୍କ ଭୋଳା ପ୍ରଧାନ । ସେ ଅଷ୍ଟମ ଶ୍ରେଣୀର ଛାତ୍ର ଥିଲେ ।

ତେବେ ଭୋଳା ପ୍ରଧାନ ରବିବାର ଅପରାହ୍ନରେ ୬ଜଣ ସାଙ୍ଗଙ୍କ ସହ ମିଶି ମହାଦେବଙ୍କ ନିକଟରେ ଜଳାଭିଷେକ ପାଇଁ ଯାଇଥିଲେ । ଦେବୀ ନଦୀରେ ପାଣି ଭାର ବୁଡାଉଥିବା ବେଳେ ସେମାନଙ୍କ ମଧ୍ୟରୁ ଦୁଇ ଜଣ ଭାସି ଯାଇଥିଲେ । ନିଖୋଜ ଦୁଇ ଜଣଙ୍କ ମଧ୍ୟରୁ ଜଣଙ୍କ ମୃତଦେହ ଉଦ୍ଧାର ହୋଇଥିବା ବେଳେ ଭୋଳାଙ୍କ ପତ୍ତା ମିଳିନଥିଲା । ଅଗ୍ନିଶମ ବାହିନୀ ଓ ଓଡ୍ରାଫ୍ ଟିମ୍ ବହୁ ଖୋଜାଖୋଜି କରୁଥିବା ବେଳେ ତାଙ୍କ ପତ୍ତା ମିଳିପାରିନଥିଲା । ଦୀର୍ଘ ୧୬ ଘଣ୍ଟା ପରେ ସୋମବାର ଦିନ ତାଙ୍କ ମୃତଦେହ ଉଦ୍ଧାର ହୋଇଛି । ଭୋଳାଙ୍କ ମୃତ୍ୟୁ ଖବର ପାଇ ପରିବାର ଏବଂ ସ୍ଥାନୀୟ ଅଞ୍ଚଳରେ ଶୋକର ଛାୟା  ଖେଳିଯାଇଛି ।

ସେପଟେ ଦ୍ବିତୀୟ ସୋମବାରରେ ଯାଜପୁରର ପ୍ରତିଷ୍ଠିତ ଶୈବପୀଠ ମହାବିନାୟକରେ ଜଳାଭିଷେକ କରୁଛନ୍ତି କାଉଡିଆ । ଏହି ଶୈବପୀଠରେ ଦୁଇ ଜଣ କାଉଡିଆ ଜଳଲାଗି କରି ଫେରୁଥିବା ବେଳେ ଦୁର୍ଘଟଣା ଘଟିଛି । ଦୁଇ ଜଣ କାଉଡିଆ ବାଇକ୍ ଯୋଗେ ଘରକୁ ଫେରୁଥିବା ସମୟରେ ୫୩ ନମ୍ବର ଜାତୀୟ ରାଜପଥ ଚଣ୍ଡିଖୋଲ ନିକଟ ଗାନ୍ଧି ଛକ ନିକଟରେ ଦୁର୍ଘଟଣାର ଶିକାର ହୋଇଛନ୍ତି । ଭାରସାମ୍ୟ ହରାଇ ବାଇକ୍‌ଟି ଦୁର୍ଘଟଣାଗ୍ରସ୍ତ ହୋଇଛି । ଯାହା ଫଳରେ ବାଇକ୍ ଚାଳକଙ୍କ ସହ ଦୁଇ ଜଣ କାଉଡିଆ ଆହତ ହୋଇଛନ୍ତି । ଫଳରେ ଘଟଣାସ୍ଥଳରେ ଚଣ୍ଡିଖୋଲ ଅଗ୍ନିଶମ ବାହିନୀ ପହଞ୍ଚି ଆହତଙ୍କୁ ବଡ଼ଚଣା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଇଥିଲେ । ସେଠାରେ ସେମାନଙ୍କ ଚିକିତ୍ସା ଜାରି ରହିଛି ।

You Can Read :

   Related Posts