ଦାରିଙ୍ଗିବାଡ଼ି ୧୭।୦୯ : କନ୍ଧମାଳ ଜିଲ୍ଲା ବଗାଡି ଗାଁରେ ଅଘଟଣ । ମୃତଦେହକୁ ନଦୀ ପାର୍‌ କରିବା ବେଳେ ଛିଣ୍ଡିଗଲା ତାର । ଆଉ ଭରା ନଈରେ ଭାସିଗଲେ ଶବ ବାହାକଙ୍କ ସହ ମୃତଦେହ ।

ଖବର ଅନୁଯାୟୀ, କନ୍ଧମାଳ ଜିଲ୍ଲା ବାଲିଗୁଡ଼ା ବଗାଡି ଗାଁରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା । ନଈ ଆରପଟେ ଚାରି ଖଣ୍ଡ ଗାଁର ରହୁଛନ୍ତି । ବଗାଡି, ବ୍ରଡାଲି, ଡ୍ରାକେଲି ଭଳି ଛୋଟ ଛୋଟ ଗାଁର ୯୦ରୁ ଅଧିକ ପରିବାର ରୁହନ୍ତି । ନୂଆଗାଁରୁ ଏହି ସବୁ ଗାଁର ଯିବାକୁ ହେଲେ ଚିରସ୍ରୋତା କାଲିପେନୁ ନଦୀ ପଡିଥାଏ । ଶନିବାର ବଗାଡି ଗାଁର ବୃଦ୍ଧାମହିଳାଙ୍କର ବାଲିଗୁଡ଼ା ମେଡିକାଲରେ ମୃତ୍ୟୁ ହୋଇଥିଲା । ରବିବାର ଦିନ ସକାଳୁ ପରିବାର ଓ ସଂପର୍କୀୟ ଲୋକେ ମିଶି କାଲିପେନୁ ନଦୀ ପାର୍‌  ଲାଗି ଏକ ତାର ସହାୟତାରେ ନେଉଥିବାର ଦେଖିବାକୁ ମିଳିଥିଲା । ହେଲେ ହଠାତ୍‌ ନଦୀ ମଝିରେ ତାର ଛିଣ୍ଡି ଯାଇଥିଲା । ଯାହାଦ୍ୱାରା ୫ ଜଣ ଯୁବକ ଏବଂ ଶବ ପାଣିରେ ଭାସିଯାଇଥିଲେ ।

ସେପଟେ କିଛି ସମୟରେ ପରିବାର ଲୋକେ ଶବକୁ ପାଣିରୁ ଉଦ୍ଧାର କରି କୂଳକୁ ନେଇଥିଲେ । ତେବେ ଏହି ନଦୀ ଉପରେ ପୋଲ ନିର୍ମାଣ ପାଇଁ ଗ୍ରାମବାସୀ ବାରମ୍ବାର ପ୍ରଶାସନ ଓ ରାଜନେତାଙ୍କୁ ଅନୁରୋଧୀ କରିଥିଲେ । ହେଲେ ଆଜି ଏହି ସମସ୍ୟାର କୌଣସି ସମାଧାନ ହୋଇପାରନାହିଁ । ଯାହାଫଳରେ ଏଭଳି ଘଟଣା ଘଟିଛି ବୋଲି ସାଧାରଣରେ ଚର୍ଚ୍ଚା ହେଉଛି ।