ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର: କୋର୍ଟରେ ଜଜ୍‌ଙ୍କୁ ଛୁରାମାଡ ଉଦ୍ୟମ, କାବୁ କଲା ପୋଲିସ
  • ||
  • ଭୁବନେଶ୍ୱର: ICMRର ପରାମର୍ଶ, ସାମାନ୍ୟ ଜ୍ୱର ହେଲେ ଖାଅନି ଆଣ୍ଟିବାୟୋଟିକ୍
  • ||
  • ଶିକ୍ଷକ ନିଯୁକ୍ତି ପ୍ରସଙ୍ଗରେ ଗୃହରେ ହଙ୍ଗାମା, ଗୃହ ମୁଲତବୀ କଲେ ବାଚସ୍ପତି
  • ||
  • ପଦ୍ମପୁରରେ କେନ୍ଦ୍ରୀୟ ଟିମ୍‌ର ରେଡ୍, ୩ ବ୍ୟବସାୟୀଙ୍କ ଘରେ ଚଢାଉ
  • ||

‘ହାଲୋ…ଅଫିସକୁ ଆସି ଆପଣଙ୍କ ଡେଥ୍ ସାର୍ଟିଫିକେଟ୍ ନେଇଯାଆନ୍ତୁ…’ ମ୍ୟୁନିସିପାଲିଟି ଅଫିସରୁ ଆସିଲା ଏମିତି କଲ୍, ତା’ପରେ

1/07/2021 at 1:10 PM

ମୁମ୍ବାଇ, ୦୧/୦୭:    ସେ ବଞ୍ଚିଛନ୍ତି । ଭଲ ମଧ୍ୟ ଅଛନ୍ତି । କିନ୍ତୁ ମ୍ୟୁନିସିପାଲଟି ଅଫିସରୁ ଆସିଲା କଲ୍ । ମୃତ୍ୟୁ ପ୍ରମାଣପତ୍ର ନେବାକୁ କୁହାଗଲା । ଥାଣେ ମ୍ୟୁନିସିପାଲ କର୍ପୋରେସନ ବିରୋଧରେ ଏପରି ସାଙ୍ଘାତିକ ଅଭିଯୋଗ ଆଣିଛନ୍ତି ଜଣେ ୫୪ ବର୍ଷୀୟ ବ୍ୟକ୍ତି ।

ବ୍ୟକ୍ତିଜଣଙ୍କ ହେଲେ ଚନ୍ଦ୍ରଶେଖର ଦେଶାଇ । ସେ କହିଛନ୍ତି ଯେ, ସେ ଥାଣେର ମନପଡାରେ ରୁହନ୍ତି । ସେ ଗତ ଅଗଷ୍ଟ ୨୦୨୦ରେ କରୋନା ସଂକ୍ରମିତ ହୋଇଥିଲେ । ଏହାପରେ ଘରେ ତାଙ୍କର ଚିକିତ୍ସା ହୋଇଥିଲା । ସେହି ସମୟରେ ତାଙ୍କୁ ସ୍ୱାସ୍ଥ୍ୟାବସ୍ଥା ବାବଦରେ ହସ୍ପିଟାଲରୁ କଲ୍ ଆସିଥିଲା । ଏବେ ସେ ଅଭିଯୋଗ କରିଛନ୍ତି ଯେ, ତାଙ୍କ ପାଖକୁ ମ୍ୟୁନିସିପାଲ ଅଫିସରୁ କଲ୍ ଆସିଥିଲେ । ଜଣେ ମହିଳା ତାଙ୍କୁ କଲ୍ କରିଥିଲେ । ମହିଳାଜଣଙ୍କ ସ୍ୱାସ୍ଥ୍ୟକର୍ମୀ ବୋଲି ପରିଚୟ ଦେବା ସହ ଚନ୍ଦ୍ରଶେଖର ଦେଶାଇଙ୍କୁ ମୃତ୍ୟୁ ପ୍ରମାଣପତ୍ର ନେବାକୁ କହିଥିଲେ ।

ମହିଳାଜଣଙ୍କକହିଥିଲେ ଯେ, ମ୍ୟୁନିସିପାଲ ଅଫିସ ଏକ ମୃତ୍ୟୁ ପ୍ରମାଣପତ୍ର ଜାରି କରିବାକୁ କହୁଛି । ଯେତେବେଳେ ସେ ନିଜେ ଚନ୍ଦ୍ରଶେଖର ବୋଲି କହିଥିଲେ ମହିଳାଜଣଙ୍କ ଚକିତ ହୋଇଯାଇଥିଲେ । ଏପରିକି ତାଙ୍କ ପରିବାରର କେହି ହେଲେ ମଧ୍ୟ କରୋନାରେ ପ୍ରାଣ ହରାଇନାହାଁନ୍ତି ବୋଲି ସେ କହିଥିଲେ । ଏହାପରେ ମହିଳାଜଣଙ୍କ କଲ୍ କାଟି ଦେଇଥିଲେ ।

ଘଟଣା ପରେ ଚନ୍ଦ୍ରଶେଖର ମ୍ୟୁନିସିପାଲ ଅଫିସ ଯାଇ ଅଭିଯୋଗ କରିଥିଲେ । କିନ୍ତୁ କେହି କର୍ମଚାରୀ ନିଜ ଭୁଲ ସ୍ୱୀକାର କରିନଥିଲେ । ବରଂ ତାଙ୍କ ନାମ ମୃତ୍ୟୁ ତାଲିକାରେ ଥିବା କହିଥିଲେ । ଏବାବଦରେ ସେ ଆଇସିଏମଆରରେ ଅଭିଯୋଗ କରିଥିଲେ । ଆଇସିଏମଆର କର୍ତୃପକ୍ଷ ଏଦିଗରେ କାର୍ଯ୍ୟାନୁଷ୍ଠାନ ନେବେ ବୋଲି ତାଙ୍କୁ ପ୍ରତିଶ୍ରୁତି ଦେଇଛନ୍ତି ।

   Related Posts