ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବାଲିଯାତ୍ରାରେ ମହାନଦୀରେ ନୌବିହାରର ମଜା ଉଠାଇବେ ଦର୍ଶକ, ବୋଟ୍‌ରେ ବସି ପହଞ୍ଚିବେ ବାଲିଯାତ୍ରା ପଡିଆ

3/11/2019 at 6:12 PM

କଟକ ୩।୧୧: ଆଗକୁ ଅଛି ଐତିହାସିକ ବାଲିଯାତ୍ରା । ଏଥର ବାଲିଯାତ୍ରାକୁ ଅଧିକ ଆକର୍ଷଣୀୟ କରିବା ସହ ଆନୁସାଙ୍ଗିକ ବ୍ୟବସ୍ଥାକୁ ସୁଦୃଢ କରିବାକୁ ପ୍ରୟାସ କରୁଛି ଜିଲ୍ଲା ପ୍ରଶାସନ । ଦର୍ଶକ କେମିତି ସୁରୁଖୁରରେ ଆସି ବାଲିଯାତ୍ରାକୁ ଉପଭେ।ଗ କରିବେ ସେଥିପାଇଁ କୌଣସି ବି କମି ରଖିବାକୁ ଚାହୁଁନି । ତେଣୁ ଏଥର ପ୍ରଥମ କରି ବେ।ଟ୍ ର ବ୍ୟବସ୍ଥା ହେ।ଇଛି । ମାନେ ମହାନଦୀରେ ନୌବିହାରର ମଜା ଉଠାଇବେ ଦର୍ଶକ ।

ବାଲିଯାତ୍ରା ପାଇଁ ନୌକା ବିହାର । ବାଲିଯାତ୍ରା ଦେଖିବାକୁ ଗଲେ ଆଉ ହୀନସ୍ତା ହେବେନି ନଈକୂଳିଆ ଦର୍ଶକ । ସରକାରୀ ବେ।ଟ୍ ରେ ବସି ସିଧା ବାଲିଯାତ୍ରା ପଡିଆରେ ପହଞ୍ଚିବେ । ଏଥିପାଇଁ ଆଇ ଏନ୍ ଏସ୍ ଚିଲିକା ସହାୟତରେ ଖାସ୍ ବ୍ୟବସ୍ଥା କରିଛନ୍ତି ଜିଲ୍ଲା ପ୍ରଶାସନ । ମହାନଦୀରେ ଥିବା ନାଭାଲ୍ ଜେଟୀରୁ ବାଲିଯାତ୍ରା ପଡିଆ ଯାଏ ବେ।ଟ୍ ରେ ଯିବାକୁ ବ୍ୟବସ୍ଥା କରାଯାଇଛି ।  ଏଥିପାଇଁ ଆଇ ଏନ୍ ଏସ୍ ଚିଲିକାର କର୍ମଚାରୀ ଓ ବୋଟ୍ ନିୟୋଜିତ କରାଯିବ ।

ସେପଟେ ବାଲିଯାତ୍ରାରେ ଭିଡ ନିୟନ୍ତ୍ରଣ ଓ ଦଳା ଚକଟା ଆଶଙ୍କା ଏଡାଇବା ଏକ ବଡ ଚ୍ୟାଲେଞ୍ଜ । ତେଣୁ ବାଲିଯାତ୍ରା ପଡିଆର ପ୍ରବେଶ ଓ ପ୍ରସ୍ଥାନ ପଥକୁ ଅଧିକ ପ୍ରସସ୍ଥ କରାଯିବ । ସେହି ଭଳି ଏଥର ୬ଟି ପାର୍କିଂ ଲଟ୍ କରିବାକୁ ବ୍ୟବସ୍ଥା ହୋଇଛି । ଏଥିପାଇଁ ଜିଲ୍ଲା ପ୍ରଶାସନିକ ଅଧିକାରୀ ଓ ଡିସିପି ବାଲିଯାତ୍ରା ପଡିଆ ବୁଲି ସ୍ଥିତି ପରଖିଛନ୍ତି ।

ବାଲିଯାତ୍ରାରେ ଶୌଚ ଏକ ବଡ ସମସ୍ୟା । ବିଶେଷ କରି ମହିଳାମାନେ ନାନା ଅସୁବିଧାର ସମ୍ମୁଖୀନ ହୁଅନ୍ତି । ତେଣୁ ଏଥର ଯେମିତି ସେଭଳି ସମସ୍ୟା ନଉପୁଜେ ସେଥିପାଇଁ ପର୍ଯ୍ୟାପ୍ତ ପରିମାଣର ସ୍ଥାୟୀ ଓ ଅସ୍ଥାୟୀ ଶୌଚାଳୟ ବ୍ୟବସ୍ଥା କରାଯିବ ବୋଲି କହିଛନ୍ତି ସି ଏମ୍ ସି କମିଶନର ।

   Related Posts