ଭଦ୍ରକ (ସର୍ବଶ୍ବେର ନାଥ) ୧୧|୬: ବୋଟିଂ କ୍ଲବ୍ ହୋଇଥିବା ପୋଖରୀରେ ଏବେ ଦଳ ଭର୍ତ୍ତି । ବୋଟିଂର ମଜାନେବାକୁ ଆସିବେ ଯଦି ମନ ଭାଙ୍ଗିବା ନିଶ୍ଚିତ । ଡଙ୍ଗା ସବୁ ଆସି ପାର୍କର ଗୋଟିଏ କୋଣକୁ ଡେରା ହୋଇ ରଖାଯାଇଛି । ପାର୍କର ସମସ୍ୟା ବି ନ କହିବା ଭଲ ।

ବୋଟିଂ ପାଇଁ ଭଦ୍ରକର ଏଇ ପୋଖରୀରେ ବ୍ୟବସ୍ଥା ହୋଇଥିଲା । ଡଙ୍ଗା ବି ଆସିଥଲା । ହେଲେ ପୋଖରୀର ଚାରିଆଡେ ଦଳ ଭର୍ତ୍ତି । କିଛି ଲୋକ ପୋଖରୀରେ ପଶି ଦଳ ସଫାରେ ଲାଗିଛନ୍ତି । ଆଉ ଡଙ୍ଗା ସବୁ ଏଇ ପାର୍କରେ ଗୋଟିଏ କୋଣରେ ପଡିଛି ।

ତିନି ମାସ ହେଲା ଏହି ତିନିଟି ଡଙ୍ଗା ବିଶ୍ରାମ ନେଇଛନ୍ତି । କେମିତି ବା ନ ନବେ । ପୋଖରୀ ହାଲ୍ ତ ଏମିତି । ବୋଟିଂ କ୍ଲବ୍ ହୋଇଥିବା ଏହି ପୋଖରୀକୁ ତ ମ୍ୟୁନିସିପାଲିଟି ନଜର ଦେଲା ନାହିଁ ।

ପାର୍କର ସମସ୍ୟା ବି କହିଲେ ନସରେ । ୫୦ ଲକ୍ଷ ଖର୍ଚ୍ଚ ହୋଇଛି ସତ, ହେଲେ ପିଇବା ପାଣିର ବ୍ୟବସ୍ଥା ନାହିଁ ଏଠାରେ । ବର୍ଷା ହେଲେ ପାର୍କକୁ ଆସିଥିବା ବ୍ୟକ୍ତି ଓଦା ହେବ ଥୟ । କାରଣ ମୁଣ୍ଡ ଗୁଞ୍ଜିବାକୁ ସେଡ୍ ନାହିଁ । ଟିକେଟ୍ କାଉଣ୍ଟର ବି ଏଠାରେ ନାହିଁ । ଗଛ ମୂଳେ ଚେୟାର ପକେଇ ମ୍ୟୁନିସିପାଲିଟି କର୍ମଚାରୀ ଟିକେଟ କାଟୁଛନ୍ତି ।