scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଓଟିଇଟି ପ୍ରଶ୍ନପତ୍ର ଲିକ୍ ମାମଲା : କ୍ରାଇମ୍ବ୍ରାଞ୍ଚ ତଦନ୍ତ ପାଇଁ ଚିଠି ଲେଖିଲା ବୋର୍ଡ, ଗଣଶିକ୍ଷା ମନ୍ତ୍ରୀଙ୍କ ବାସଭବନ ଘେରାଉ କଲା ଏବିଭିପି

16/01/2019 at 5:35 PM

କଟକ ୧୬|୧: ପ୍ରଶ୍ନପତ୍ର ଲିକ୍‌ ହେଲା । ଆଉ ସେଥିପାଇଁ ଆଜି ପ୍ରଥମ ସିଟିଂ ପରେ ଓଡ଼ିଶା ଟିଚର୍ସ ଇଲିଜିବିଲିଟି ଟେଷ୍ଟ ବା ଓଟିଇଟି ପରୀକ୍ଷାକୁ ବାତିଲ୍‌ କରିଦିଆଗଲା । ଲକ୍ଷେ ୧୨ହଜାର ପରୀକ୍ଷାର୍ଥୀଙ୍କୁ ନିରାଶ ହେବାକୁ ପଡ଼ିଲା । ହେଲେ କୋଶ୍ଚିନ୍‌ ପେପର କେମିତି ଲିକ୍‌ ହେଲା ତା’ର କାରଣ ଖୋଜି ପାଉନାହାନ୍ତି ମାଧ୍ୟମିକ ଶିକ୍ଷା ପରିଷଦ କର୍ତ୍ତୃପକ୍ଷ । ପଚାରିଲେ କହୁଛନ୍ତି, ମାଟ୍ରିକ୍‌ ପରୀକ୍ଷା ପରେ ଆଉ ଥରେ ଓଟିଇଟି ପରୀକ୍ଷା କରିବେ । ସେପର୍ଯ୍ୟନ୍ତ ପରୀକ୍ଷାର୍ଥୀମାନେ ଧୈର୍ଯ୍ୟ ସହ ଅପେକ୍ଷା କରନ୍ତୁ ।ଏପଟେ ପ୍ରଶ୍ନପତ୍ର ପ୍ରଘଟର ଚେର ଖୋଜିବା ଲାଗି କ୍ରାଇମବ୍ରାଞ୍ଚକୁ ଚିଠି ଲେଖିଛି ବୋର୍ଡ ।

କେତେ ଆଉ ଧୈର୍ଯ୍ୟ ଧରିବା । ଗଲାଥର ମାଟ୍ରିକ୍‌ ପରୀକ୍ଷା ବେଳେ ବାରମ୍ବାର ପ୍ରଶ୍ନପତ୍ର ଭାଇରାଲ ହେଲା । ଧୈର୍ଯ୍ୟ ଧରିଲେ ପରୀକ୍ଷାର୍ଥୀ । ଧୈର୍ଯ୍ୟ ଧରିଲେ ଅବିଭାବକ । ଏଥର ମାଟ୍ରିକ୍‌ ପରୀକ୍ଷାରେ କାଳେ ସମାନ ପରିସ୍ଥିତି ସୃଷ୍ଟି ହୋଇପାରେ ସେଇ ଆଶଙ୍କା ବି ମନରେ ଉଙ୍କି ମାରୁଥିଲା । ହେଲେ ତା’ ପୂର୍ବରୁ ମାଧ୍ୟମିକ ଶିକ୍ଷା ପରିଷଦର ପୋଲ୍‌ ଖୋଲିଦେଲା ଓଟିଇଟି କୋଶ୍ଚିନ୍‌ ପେପର୍‌ ଲିକ୍‌ ।

କୋଶ୍ଚିନ୍‌ ପେପର୍‌ ଲିକ୍‌ ନେଇ ଗଣଶିକ୍ଷା ମନ୍ତ୍ରୀଙ୍କ ବାସଭବନ ଘେରାଉ କରିଛି ଏବିଭିପି । ଗଣଶିକ୍ଷା ମନ୍ତ୍ରୀଙ୍କ ସହ ବୋର୍ଡ ସଭାପତିଙ୍କ ଇସ୍ତଫା ଦାବି କରିଛି ଏବିଭିପି । ମନ୍ତ୍ରୀଙ୍କ ବାସଭବନ ଘେରାଉ ବେଳେ ପୋଲିସ ସହ ଧସ୍ତା ଧସ୍ତି ହୋଇଛନ୍ତି ଏବିଭିପି କର୍ମୀ ।

ବୁଧବାର ଓଡ଼ିଶା ଟିଚର୍ସ ଇଲିଜିବିଲିଟି ଟେଷ୍ଟ ବା ଓଟିଇଟି ପରୀକ୍ଷାର ଫାଷ୍ଟ ସିଟିଂ ପରୀକ୍ଷା ଚାଲିଥିବା ବେଳେ ସାରା ରାଜ୍ୟରେ ମୋବାଇଲରୁ ମୋବାଇଲକୁ ଘୁରି ବୁଲିଲା ପ୍ରଶ୍ନ ପତ୍ର ସେଟ୍‌ –ବି ଏବଂ ଅନ୍ୟ ସେଟ୍‌ ସହ ଉତ୍ତର । ଓଟିଇଟିର ପ୍ରଥମ ସିଟିଂରେ ଶିକ୍ଷାଶାସ୍ତ୍ର ପରୀକ୍ଷା ଥିଲା । ଆଉ ଏଇ ପରୀକ୍ଷା ଚାଲିଥିବା ବେଳେ ସୋସିଆଲ ମିଡିଆରେ ଭାଇରାଲ ହେଲା  ପ୍ରଶ୍ନପତ୍ର । ଅଭିଯୋଗ ପରେ ସାମ୍ନାକୁ ଆସିଲେ ବୋର୍ଡ଼ ସଭାପତି । ଆଉ ଘଟଣାକୁ ନେଇ ଦୁଃଖ ପ୍ରକାଶ କରିବା ସହ ପରୀକ୍ଷାକୁ ବାତିଲ କରାଗଲା ବୋଲି ଘୋଷଣା କଲେ ।

ପ୍ରଶ୍ନପତ୍ର ଲିକ୍‌ ହେଲା । ଆଉ ସେଥିପାଇଁ ପ୍ରଥମ ସିଟିଂ ପରେ ଓଟିଇଟି ପରୀକ୍ଷାକୁ ବାତିଲ୍‌ କରିଦିଆଗଲା । ଲକ୍ଷେ ୧୨ହଜାର ପରୀକ୍ଷାର୍ଥୀଙ୍କୁ ନିରାଶ ହେବାକୁ ପଡ଼ିଲା । ହେଲେ  କୋଶ୍ଚିନ୍‌ ପେପର କେମିତି ଲିକ୍‌ ହେଲା ତା’ର କାରଣ ଖୋଜି ପାଉନାହାନ୍ତି ମାଧ୍ୟମିକ ଶିକ୍ଷା ପରିଷଦ କର୍ତ୍ତୃପକ୍ଷ । ପଚାରିଲେ କହୁଛନ୍ତି, ମାଟ୍ରିକ୍‌ ପରୀକ୍ଷା ପରେ ଆଉ ଥରେ ଓଟିଇଟି ପରୀକ୍ଷା କରିବେ । ସେପର୍ଯ୍ୟନ୍ତ ପରୀକ୍ଷାର୍ଥୀମାନେ ଧୈର୍ଯ୍ୟ ସହ ଅପେକ୍ଷା କରନ୍ତୁ ।

ପରୀକ୍ଷାର୍ଥୀଙ୍କ ପାଇଁ ସେମାନଙ୍କ କଠିନ ପରିଶ୍ରମର ଫଳ କ’ଣ ଏୟା ? ବୋର୍ଡ଼ କର୍ତ୍ତୃପକ୍ଷଙ୍କ ଖାମଖିଆଲି କାର୍ଯ୍ୟ ପାଇଁ ପିଲାମାନେ କାହିଁକି ବାରମ୍ବାର ସଫର୍‌ ହେବେ ? ପ୍ରତ୍ୟେକ ପରୀକ୍ଷା ଆଗରୁ ସତର୍କତା ମୂଳକ ପଦକ୍ଷେପ ନେଇ ବୋର୍ଡ଼ କର୍ତ୍ତୃପକ୍ଷ ବାରମ୍ବାର ଦମ୍ଭ ଦେଖାଉଥିଲେ ମଧ୍ୟ ଠିକଣା ବେଳକୁ ସବୁ ଫସର ଫାଟିଯାଉଛି ।  

ବିଭାଗ ବିଭାଗ ଭିତରେ ସମନ୍ବୟର ଅଭାବ ଯୋଗୁଁ ବାରମ୍ବାର ଏଭଳି ଘଟଣା ସାମ୍ନାକୁ ଆସୁଛି । ତେବେ ସେ ଯାହା ହେଉନା କାହିଁକି ଗଲା ଥର ମାଟ୍ରିକ୍‌ ପରୀକ୍ଷା ପରେ ପରେ ପୁଣି ଓଟିଇଟି ପରୀକ୍ଷା ବେଳେ କୋଶ୍ଚିନ୍‌ ପେପର ଲିକ୍‌ ପୂରା ବ୍ୟବସ୍ଥାର ପାରିବା ପଣିଆ ଉପରେ ପ୍ରଶ୍ନ ଚିହ୍ନ ଲଗାଇଛି । 

   Related Posts