ଭୁବନେଶ୍ବର ୩।୩: ବିଏମସି ଗାଡିକୁ ଫାଇନ୍ । ଅଳିଆ ବୋହୁଥିବା ଦୁଇଟି ବିଏମସି ଗାଡିକୁ ୩୨ ହଜାର ୫୦୦ ଟଙ୍କା ଫାଇନ୍ କରାଯାଇଛି । ପରମିଟ, ପଲ୍ୟୁସନ ଓ ଇନ୍ସ୍ୟୁରାନ୍ସ ନଥାଇ ଚାଲିଥିଲା ଗାଡି । ରଘୁନାଥପୁର ବ୍ରିଜ୍ ନିକଟରେ ଆରଟିଓ ୨ ପକ୍ଷରୁ ଚାଲିଥିଲା ଚେକିଂ । ଚେକିଂ ଚାଲିଥିବା ବେଳେ ଗାଡିକୁ ଫାଇନ୍ କରାଯାଇଥିବା ଜଣାପଡିଛି ।
ଅନ୍ୟପଟେ ସମ୍ବଲପୁର ପରବିହନ ବିଭାଗ ପକ୍ଷରୁ ମଧ୍ୟ ବଡ ଆକାରର ଫାଇନ୍ ଆଦାୟ କରାଯାଇଥିଲା । ମାଲ୍ ପରିବହନ ପାଇଁ ଅଟୋକୁ ଲାଗିଥିଲା ୩୦ହଜାର ୫ଶହ ଟଙ୍କାର ଫାଇନ୍ । ବିପଦ ସଙ୍କୁଳ ଅବସ୍ଥାରେ ଯାତ୍ରୀବାହୀ ଅଟୋରେ ମାଲ୍ ପରିବହନ କରୁଥିବାରୁ ଅଟୋକୁ ପରିବହନ ବିଭାଗ ଅଧିକାରୀ ୩୦ହଜାର ୫ଶହ ଫାଇନ କରିଥିଲେ । ଅଟୋ ନମ୍ବର ଥିଲା ଓଆର ୧୫କ୍ୟୁ ୫୩୬୫ । ବିନା ଡ୍ରାଇଭିଂ ଲାଇସେନ୍ସ ପାଇଁ ୫ହଜାର, ପଞ୍ଜୀକରଣ ନଥିବାରୁ ୫ହଜାର, ଓଭର ଲୋଡିଂ ପାଇଁ ୨୦ହଜାର ଫାଇନ ହୋଇଥିଲା ।
ସେହିଭଳି ଡିଜେ ସାଉଣ୍ଡ ଗାଡିକୁ ୨୦,୫୦୦ ଟଙ୍କାର ଫାଇନ୍ କରାଯାଇଥିଲା । ଆବଶ୍ୟକୀୟ କାଗଜପତ୍ର ଦେଖାଇନପାରିବାରୁ ସମ୍ବଲପୁର ଲକ୍ଷ୍ମୀ ଟକିଜ ଛକରେ ଚେକିଂ ସମୟରେ ଗାଡିଟି ଧରାପଡିଥିଲା ।
