previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟନା : ନୀତୀଶ କୁମାରଙ୍କ ଅଷ୍ଟମ ପାଳି, ମୁଖ୍ୟମନ୍ତ୍ରୀ ଭାବେ ନେଲେ ଶପଥ
  • ||
  • ରାଜ୍ୟରେ କମିଲା ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୫୩ କୋଭିଡ୍ ପଜିଟିଭ୍
  • ||
  • ବ୍ରହ୍ମପୁର: ଗଞ୍ଜେଇ ଚାଲାଣ ବେଳେ ଧରାପଡିଲା ସୁନା ତସ୍କରୀ, ୨୦ ସୁନା ବିସ୍କୁଟ ଜବତ
  • ||
  • ସୋର : ଭାରସାମ୍ୟ ହରାଇ ଓଲଟିଲା ତୀର୍ଥଯାତ୍ରୀ ବସ୍, ୩୦ରୁ ଅଧିକ ଆହତ
  • ||

ଜମି ବିବାଦକୁ ନେଇ ଦୁଇ ପରିବାର ମଧ୍ୟରେ ରକ୍ତାକ୍ତ ସଂଘର୍ଷ, ବାପର ଗଡ଼ିଲା ମୁଣ୍ଡ, ପୁଅ-ପୁତୁରା ଗୁରୁତର

1/07/2022 at 10:05 PM

ଢେଙ୍କାନାଳ: ଜମି ବାଡ଼ି ବିବାଦରୁ ଦୁଇ ପରିବାର ମଧ୍ୟରେ ଘଟିଛି ରକ୍ତାକ୍ତ ସଂଘର୍ଷ । ଏପରିକି କଟୁରି ଓ ଟାଙ୍ଗିଆ ଚୋଟରେ ବିଲ ମୁଣ୍ଡରେ ବାପର ମୁଣ୍ଡ ଗଡିଥିବାବେଳେ ପୁଅ ସମେତ ଦୁଇ ପୁତୁରା ଗୁରୁତର ହୋଇଛନ୍ତି। ଢେଙ୍କାନାଲ ଜିଲ୍ଲା କାମାକ୍ଷାନଗର ଥାନା ଜୟପୁରା କାଟେଣି ଗ୍ରାମରେ ଆଜି ରାତିରେ ଏହି ଦୁଇ ପରିବାର ମଧ୍ୟରେ ଏହି ଗୋଷ୍ଠୀ ସଂଘର୍ଷ ଘଟିଛି । ମୃତକ ହେଲେ ଜୟପୁରାକାଟେଣି ଗ୍ରାମର  ବୈକୁଣ୍ଠ ସାହୁ।  ଗୁରୁତର ମାନେ ହେଲେ ବୈକୁଣ୍ଠ ଙ୍କ ପୁଅ ରୋହିତ ସାହୁ  ଓ ପୁତୁରା ସଞ୍ଜୟ ସାହୁ ଓ ସିଦ୍ଧାର୍ଥ ସାହୁ। ଗୁରୁତର ମାନଙ୍କୁ ପ୍ରଥମେ କାମାକ୍ଷାନଗର ଓ ପରେ ଢେଙ୍କାନାଲ ମୁଖ୍ୟ ଡାକ୍ତରଖାନାକୁ ଚିକିତ୍ସା ପାଇଁ ସ୍ଥାନାନ୍ତରିତ କରାଯାଇଛି । ଖବର ପାଇ କାମାକ୍ଷାନଗର ଥାନା ପୁଲିସ ପହଂଚି ମୃତ ଦେହ ଜବତ କରିବା ସହ ତଦନ୍ତ ଆରମ୍ଭ କରିଛି । 

ସୂଚନା ମୁତାବକ, ମୃତ ବୈକୁଣ୍ଠ ସାହୁ ଓ ତାଙ୍କ ଭାଇଙ୍କ ମଧ୍ୟରେ ଏକ ଜମିକୁ ନେଇ ବିବାଦ ଲାଗିରହିଥିଲା। ତେବେ ଆଜି ବିବାଦୀୟ ଜମିରେ  ବୈକୁଣ୍ଠ ଯାଇ ଖୋଳୁଥିଲେ । ଏହାକୁ ନେଇ ତାଙ୍କ ପୁତୁରା ସଞ୍ଜୟ ପ୍ରତିବାଦ କରିବାରୁ ଉଭୟଙ୍କ ମଧ୍ୟରେ ପାଟିତୁଣ୍ଡ ଓ ହାତହାତି ହୋଇଥିଲା। ପରେ ବୈକୁଣ୍ଠଙ୍କ ପୁଅ ଓ ସେପଟୁ  ସଂଜୟଙ୍କ ଭାଇ ଓ  ବାପା ପହଂଚିବାରୁ ବିବାଦ ଉଗ୍ର ରୂପ ନେଇଥିଲା। ଟାଙ୍ଗିଆ ଓ କରୁରୀରେ ପରସ୍ପର ଉପରେ ଆକ୍ରମଣ କରିଥିଲେ ଦୁଇ ପରିବାର। ଫଳରେ ଘଟଣାସ୍ଥଳରେ ଟାଙ୍ଗିଆ ଚୋଟରେ ବୈକୁଣ୍ଠଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ୩ଜଣ ଗୁରୁତର ହୋଇଥିବା ଜଣାପଡିଛି ।

   Related Posts