ଚେନ୍ନାଇ ୧୭|୧୨: ଆଜିଯାଏଁ ବି ଅନେକ ଜାଗାରେ କୁସଂସ୍କାର ଓ ଅନ୍ଧବିଶ୍ଵାସ ରହିଛି । କିଛି ଲୋକ ଏହାକୁ ସାମାଜିକ ନିୟମବୋଲି ଧରିନେଇଛନ୍ତି ।ବିଭିନ୍ନ ପରଂପରା ମଧ୍ୟ ଏହି ଅଂଧ ବିଶ୍ବାସ ଉପରେ ଆଧାରିତ ଏବଂ ନିର୍ଦ୍ଦିଷ୍ଟ ସଂପ୍ରଦାୟ ମଧ୍ୟରେ ପ୍ରଚଳିତ ହୋଇଆସୁଛି । ସଂପୃକ୍ତସମାଜର କିଛି ମୁଣ୍ଡିଆଳମାନେ ନିଜ ଦ୍ଵାରା ନୀତି ନିୟମ ତିଆରି କରି ଲୋକମାନଙ୍କୁ ପ୍ରଥାର ଆଳ ଦେଖାଇ ଚାଲିବାକୁବାଧ୍ୟ କରିଥାନ୍ତି । ସେହିଭଳି ଗୋଟିଏ ସଂପ୍ରଦାୟଅଛି, ଯେଉଁଠି ୧୪-୧୫ ବର୍ଷର ଝିଅ ମାନଙ୍କୁ ଦେବୀ ହେବା ବାହାନରେ ବିବସ୍ତ୍ର ହେବାକୁ ପଡ଼େ ।
ତାମିଲନାଡ଼ୁର ମୌଦୁରରେଏକ ମନ୍ଦିରରେ ଏହି ପ୍ରଥା ଚାଲୁଥବାର ଦେଖାଯାଇଛି । ଏହି ପ୍ରଥା ଅନୁସାରେ ୭ ଜଣ ଝିଅ ବିବସ୍ତ୍ର ହୋଇ୧୫ ଦିନ ଯାଏ ରହିବାର ପରମ୍ପରା ରହିଛି ।
ପରମ୍ପରା ଅନୁସାରେ ଏହି ଗାଁର ୧୪-୧୫ ବର୍ଷର ସମସ୍ତ ଝିଅମାନଙ୍କୁ ପୂଜକଙ୍କ ସାମନରେପ୍ୟାରେଡ଼ କରିବାକୁ କୁହାଯାଇଥାଏ । ସେମାନଙ୍କୁ ମଧ୍ୟରୁ ପୂଜକ ୭ଜଣଙ୍କୁ ନିର୍ବାଚିତ କରିଥାନ୍ତି ।ଯେଉଁମାନେ ନିର୍ବାଚିତ ହୁଅନ୍ତି, ସେମାନେ ସବୁଠୁ ଅଧିକ ଭାଗ୍ୟବାନ ବୋଲି ପରିଗଣିତ ହୁଅନ୍ତି ।
ନିର୍ବାଚିତ ହୋଇଥିବା୭ଜଣ ଝିଅଙ୍କୁ ୧୫ ଦିନ ଯାଏଁ ମନ୍ଦିରରେ ରହିବାକୁ ଦିଆଯାଏ । ଯେଉଁମାନେ କି ଦେବୀ ହେବା ପାଇଁ ଅଣ୍ଟାଉପରକୁ କୌଣସି ବସ୍ତ୍ର ପିନ୍ଧିବାକୁ ବାରଣ କରାଯାଇଥାଏ । ସେମାନଙ୍କର ଦେଖାଶୁଣା କେବଳ ପୂଜକ ହିଁ କରିପାରନ୍ତି । ନାବାଳିକାଙ୍କ ଦେବୀବେଶ ଅନ୍ୟ କାହାକୁ ଦର୍ଶନ ପାଇଁ ଅନୁମତିଦିଆଯାଇ ନ ଥାଏ ।
ଏହିଭଳି ପରମ୍ପରା ଆଜିଯାଏଁ ବି ତାମିଲନାଡ଼ୁରେ ବଂଚିରହିଛି । ଏହି ପରମ୍ପରାକୁ ସେଠାକାର ଲୋକେ ମଧ୍ୟ ଛାଡ଼ିବାକୁ ନାରାଜ ।
