ବରଗଡ୧୮|୬: ପଟଣାଗଡ଼ ବିଧାୟକ ଏକ ରାସ୍ତା ଦୁର୍ନୀତି ଘଟଣା ଅଭିଯୋଗରେ ଜଣେ କନିଷ୍ଠ ଯନ୍ତ୍ରୀଙ୍କୁ ରାସ୍ତା ଉପରେ କାନ ଧରି ଉଠ ବସ କରାଇବା ଘଟଣା ମନରୁ ନ ଲିଭୁଣୁ ବରଗଡ଼ ଜିଲ୍ଲା ଘେଁସ ଅଞ୍ଚଳର ଅନ୍ୟ ଏକ ଘଟଣା ଏବେ ସାଧାରଣରେ ଚର୍ଚ୍ଚାର ବିଷୟ ହୋଇଛି । ସାଧାରଣ ନିର୍ବାଚନ ପରେ ବିଜେପି ଓ ବିଜେଡି ସମର୍ଥକଙ୍କ ମଧ୍ୟରେ ତିକ୍ତତା ବୃଦ୍ଧି ପାଇବାରେ ଲାଗିଛି । ଉଭୟ ଗୋଷ୍ଠୀଙ୍କ ମଧ୍ୟରେ ଗଣ୍ଡଗୋଳ ଏବେ ଦୈନନ୍ଦିନ ଘଟଣା ପାଲଟିଛି ।

ଏବେ ଜଣେ ବିଜେଡି କର୍ମୀ ଅନ୍ୟ ଜଣେ ବିଜେପି କର୍ମକର୍ତ୍ତାଙ୍କୁ ବାଟରେ ଅଟକାଇ କାନ ଧରି ଉଠବସ କରାଇବା ଭିଡିଓ ଭାଇରାଲ ହେଉଛି । ତେବେ ଭଟଲି,ଅତାବିରା ଓ ବିଜେପୁର ନିର୍ବାଚନ ମଣ୍ଡଳୀ ରେ ବାରମ୍ବାର ବିଜେପି କର୍ମକର୍ତ୍ତାଙ୍କୁ ଆକ୍ରମଣ କରାଯାଉଥିବା ପରିପ୍ରେକ୍ଷୀ ରେ ଭାରତୀୟ ଜନତା ପାର୍ଟି ର ଜିଲ୍ଲା କମିଟି ଆଇନ ଶୃଙ୍ଖଳା ପରିସ୍ଥିତି ନେଇ ବରଗଡ଼ ଏସପି ମୁକେଶ କୁମାର ଭାମୋ ଙ୍କୁ ସାକ୍ଷାତ କରି ଘଟଣା ସମ୍ପର୍କରେ ଅବଗତ କରାଇଛନ୍ତି ।

ଆଇନ ଶୃଙ୍ଖଳା ଉପରେ ତୀକ୍ଷ୍ମ ନଜର ରଖାଯାଇଛି ଓ ଦୋଷୀଙ୍କ ବିରୋଧ ରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି ଶ୍ରୀ ଭାମୋ ।