ଭୁବନେଶ୍ବର ୩୧|୧: ଆଇନ ତା ବାଟରେ ଯିବା କଥା ମୁଖ୍ୟମନ୍ତ୍ରୀ କହିବା ତାଙ୍କର ଦୋମୁଁହା ନୀତି । ନବୀନ ଅନ୍ଧ ଧ୍ରୁତରାଷ୍ଟ୍ର ସାଜିଛନ୍ତି । ରାଜନୈତିକ ପରିବର୍ତ୍ତନର ଆଭାସ ପାଇଲେଣି ନବୀନ । ତେଣୁ ରାଜନୈତିକ ପ୍ରତିହିଂସା ପରାୟଣ ହୋଇ ବିଜେପି ନେତାଙ୍କୁ ଟାଣି ଓଟାରି ମାମଲାରେ ପୁରାଯାଉଛି । ଲକ୍ଷ୍ମୀଦତ୍ତ ହତ୍ୟା ମାମଲାରେ ପୋଲିସ ଅନ୍ତରୀଣ ଚାର୍ଜସିଟ୍ ଦେଇସାରିଛି । ସେଥିରେ ବିଜେପିର କୌଣସି ନେତାଙ୍କ ନାମ ନାହିଁ । ରାଜନୈତିକ ଉଦ୍ଦେଶ୍ୟରେ ଗୃହ ବିଭାଗକୁ ବ୍ୟବହାର କରୁଛନ୍ତି ଶାସକ ଦଳ । ୩ ଦିନ ତଳେ ପୁରୀରେ ଯୁବମୋର୍ଚ୍ଚାର ବିକ୍ଷୋଭ ସମୟରେ ୪୮ ଜଣ କର୍ମୀ ଓ ସଭାପତି ବସନ୍ତ ପଣ୍ଡାଙ୍କ ନାଁରେ ମାମଲା କରିବା ଏହା ସ୍ପଷ୍ଟ କରୁଛି । ଅପରପକ୍ଷରେ ଶାସକଦଳର ନେତା ସଂପୃକ୍ତ ଥିବା ଅପରାଧ ଘଟଣାରେ ଅପରାଧୀଙ୍କୁ ଘଣ୍ଟ ଘୋଡାଉଛନ୍ତି ବୋଲି କହିଛନ୍ତି ବିଜେପି ରାଜ୍ୟ ଉପ ସଭାପତି ସମୀର ମହାନ୍ତି ।
ପ୍ରଚାରରେ ସ୍କୁଲ ପିଲାଙ୍କୁ ବ୍ୟବହାର, ଭୁବନେଶ୍ୱର ସାଂ...