ଭୁବନେଶ୍ବର ୧।୧୧: ଯାଜପୁର ଜିଲ୍ଲା ଧର୍ମଶାଳା ବ୍ଲକ୍ ହରିଦାସପୁର ପଞ୍ଚାୟତ ପିଇଓ ସ୍ମିତାରାଣୀ ବିଶ୍ବାଳଙ୍କ ସନ୍ଦେହଜନକ ମୃତ୍ୟୁ ଘଟଣାରେ ତେଜୁଛି ରାଜନୀତି । ଆଜି ବିଜେପି ବିଧାୟକ ଦଳର ଏକ ଟିମ୍ ଯାଜପୁର ଗସ୍ତ କରିବ । ବିରୋଧୀ ଦଳ ନେତା ପ୍ରଦୀପ୍ତ ନାୟକଙ୍କ ନେତୃତ୍ବରେ ଏହି ଟିମ୍ ଘଟଣାସ୍ଥଳ ପରିଦର୍ଶନ କରିବା ସହ ସ୍ମିତାରାଣୀଙ୍କ ପରିବାର ଲୋକଙ୍କ ସହ ଆଲୋଚନା କରିବ ।
ତେବେ ଏହାକୁ ନେଇ ଗତକାଲି କଂଗ୍ରେସ ମାମଲାର ସିବିଆଇ ତଦନ୍ତ ଦାବି କରିବା ସହ ରାଜଭବନ ସମ୍ମୁଖରେ ଧାରଣା ଦେବା ସହ ଜୋରଦାର ପ୍ରତିବାଦ କରିଥିଲା । ସ୍ମିତାରାଣୀଙ୍କ ରହସ୍ୟଜନକ ମୃତ୍ୟୁ ଘଟଣାକୁ ଆତ୍ମହତ୍ୟାର ରୂପ ଦେଇ ବାଏଁବାଏଁ ଉଡାଇ ଦେବାକୁ ପୋଲିସ ବସିଥିବା ବିରୋଧୀ ଦଳ ଅଭିଯୋଗ କରିଛନ୍ତି । କେଉଁ ପରିସ୍ଥିତିରେ ପୋଲିସ ଏହାକୁ ଆତ୍ମହତ୍ୟାର ରୂପ ଦେଲା, ତାହାଜଣାପଡିନାହିଁ। ପୋଲିସ ତଦନ୍ତ ବି ଅଧିକ ବାଟ ଆଗେଇପାରିନି ।
