ନୂଆଦିଲ୍ଲୀ ୨୧/୦୫: ପୂର୍ବତନ କେନ୍ଦ୍ରମନ୍ତ୍ରୀ ଜୟନ୍ତ ସିହ୍ନାଙ୍କୁ ଏକ କାରଣ ଦର୍ଶାଅ ନୋଟିସ ଜାରି କରିଛି ଭାରତୀୟ ଜନତା ପାର୍ଟି । ଦୁଇ ଦିନ ମଧ୍ୟରେ ଏହି ନୋଟିସରେ ତାଙ୍କ ଆଭିମୁଖ୍ୟ ସ୍ପଷ୍ଟ କରିବାକୁ ନିର୍ଦ୍ଦେଶ ଦେଇଛନ୍ତି । ଦଳ ଜୟନ୍ତ ସିହ୍ନାଙ୍କୁ ପଚାରିଥିଲା ଯେ ମନୀଷ ଜୈସୱାଲଙ୍କୁ ହଜାରୀବାଗ ଲୋକସଭା ନିର୍ବାଚନମଣ୍ଡଳୀରୁ ପ୍ରାର୍ଥୀ କରାଯିବା ପରେ ଆପଣ ନିର୍ବାଚନ ପ୍ରଚାର କିମ୍ବା ସାଂଗଠନିକ କାର୍ଯ୍ୟରେ ଆଗ୍ରହ ପ୍ରକାଶ କରୁନାହାଁନ୍ତି ।
ଆପଣ ନିର୍ବାଚନରେ ଭୋଟ୍ ଦେବାର ଅଧିକାର ମଧ୍ୟ ବ୍ୟବହାର କରିନାହାଁନ୍ତି । ଏହା ବ୍ୟତୀତ ଧାନବାଦ୍ ବିଧାୟକ ରାଜ ସିହ୍ନାଙ୍କୁ ମଧ୍ୟ ବିଜେପି ନୋଟିସ ଜାରି କରିଛି । କୁହାଯାଉଛି ଯେ ଜୟନ୍ତ ସିହ୍ନା ତାଙ୍କୁ ଟିକେଟ୍ ନମିଳିବାରୁ ଦଳର ନିଷ୍ପତ୍ତି ଉପରେ ଖପ୍ପା ଅଛନ୍ତି । ସେଥିପାଇଁ ସେ ନିର୍ବାଚନ ପ୍ରଚାରରୁ ନିଜକୁ ଦୂରେଇ ରଖିଥିଲେ । ତାଙ୍କର ଏହି ମନୋଭାବ ଦେଖି ବର୍ତ୍ତମାନ ଦଳ ଏକ ସୋ କଜ୍ ନୋଟିସ୍ ଜାରି କରି ଦୁଇ ଦିନ ମଧ୍ୟରେ ତାଙ୍କ ଉତ୍ତର ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି ।
ଜୟନ୍ତ ସିହ୍ନାଙ୍କୁ ଦିଆଯାଇଥିବା ବିଜ୍ଞପ୍ତିରେ ବିଜେପି ଲେଖିଛି, ଯେହେତୁ ଦଳ ମନୀଷ ଜୈସୱାଲଙ୍କୁ ୨୦୨୪ ଲୋକସଭା ନିର୍ବାଚନରେ ହଜରିବାଗ ଲୋକସଭା ନିର୍ବାଚନମଣ୍ଡଳୀରୁ ପ୍ରାର୍ଥୀ ଘୋଷଣା କରିଛି । ସେବେଠାରୁ ନିର୍ବାଚନ ପ୍ରଚାର କିମ୍ବା ସାଂଗଠନିକ କାର୍ଯ୍ୟରେ ଆଗ୍ରହ ପ୍ରକାଶ କରୁନାହାଁନ୍ତି ।
ଏହା ସତ୍ତ୍ୱେ ଗଣତନ୍ତ୍ରର ଏହି ମହାନ ପର୍ବରେ ଭୋଟ୍ ଦେବାର ଅଧିକାରକୁ ବ୍ୟବହାର କରିବା ମଧ୍ୟ ଠିକ୍ ମନେ କରିନାହାଁନ୍ତି । ଏହି ମନୋଭାବ ଦଳର ଭାବମୂର୍ତ୍ତିକୁ କ୍ଷୁର୍ଣ୍ଣ କରିଛି । ଏହି କାରଣରୁ ଦଳର ରାଜ୍ୟ ସଭାପତି ବାବୁଲାଲ ମାରାଣ୍ଡିଙ୍କ ନିର୍ଦ୍ଦେଶ ଅନୁଯାୟୀ ଜୟନ୍ତ ସିହ୍ନାଙ୍କୁ ଏକ ବିଜ୍ଞପ୍ତି ଜାରି କରାଯାଇଛି ଏବଂ ତାଙ୍କୁ ୨ ଦିନ ମଧ୍ୟରେ ଏହି ବିଜ୍ଞପ୍ତିରେ ସ୍ପଷ୍ଟୀକରଣ ଦେବାକୁ ନିର୍ଦ୍ଦେଶ ଦିଆଯାଇଛି । ସେହିଭଳି ଧାନବାଦ୍ ଆସନରୁ ଦଳର ପ୍ରାର୍ଥୀଙ୍କ ବିରୋଧରେ ବିବୃତ୍ତି ଦେଇଥିବାରୁ ବିଜେପି ଧାନବାଦ୍ ବିଧାୟକ ରାଜ ସିହ୍ନାଙ୍କୁ ଏକ ସୋ ’କାରଣ ଦର୍ଶାଅ ନୋଟିସ୍ ପଠାଇଛି ଦଳ ।
