ମଧ୍ୟପ୍ରଦେଶ ନିର୍ବାଚନ ପାଇଁ ୩୯ ପ୍ରାର୍ଥୀଙ୍କ ୨ୟ ତାଲିକା ଜାରି କଲା ବିଜେପି, ମଇଦାନକୁ ଓହ୍ଲାଇବେ ୩ କେନ୍ଦ୍ର ମନ୍ତ୍ରୀ

25/09/2023 at 10:19 PM

ଭୋପାଳ: ମଧ୍ୟପ୍ରଦେଶ ବିଧାନସଭା ନିର୍ବାଚନକୁ ଆଉ କିଛି ଦିନ ବାକି ରହିଛି। ଏହି କ୍ରମରେ ରାଜ୍ୟରେ କ୍ଷମତାସୀନ ବିଜେପି ଦ୍ଵିତୀୟ ପର୍ଯ୍ୟାୟ ପ୍ରାର୍ଥୀ ତାଲିକା ଜାରି କରିଛି। । ୩୯ ଜଣିଆ ପ୍ରାର୍ଥୀ ତାଲିକାରେ ୩ କେନ୍ଦ୍ରମନ୍ତ୍ରୀ ଏବଂ ସାଂସଦଙ୍କ ନାଁ ରହିଛି । ପାର୍ଟି କେନ୍ଦ୍ର ମନ୍ତ୍ରୀ ନରେନ୍ଦ୍ର ସିଂହ ତୋମାର, ପ୍ରହ୍ଲାଦ ପଟେଲ୍ ଓ ଫଗନ ସିଂ କୁଲାସ୍ତେଙ୍କୁ ଟିକେଟ୍ ଦେଇଛି। ତୋମାର ଦିମାନୀରୁ, ପ୍ରହ୍ଲାଦ ପଟେଲ୍ ନରସିଂହପୁର ଓ କୁଲସ୍ତେ ନିଓ୍ଵାସରୁ ନିର୍ବାଚନ ଲଢିବେ।

୩ ଜଣ ସାଂସଦ ଉଦୟ ପ୍ରତାପ ସିଂହ, ରୀତି ପାଠକ ଏବଂ ଗଣେଶ ସିଂହଙ୍କ ନାଁ ଦ୍ଵିତୀୟ ତାଲିକାରେ ସାମିଲ ହୋଇଛି । ସାଂସଦମାନେ କ୍ରମଶଃ ଗଦରଓ୍ଵାରା, ସିଦ୍ଧି ଏବଂ ସତନାରୁ ଭାଗ୍ୟ ପରୀକ୍ଷା କରିବେ । ଏହା ସହ ବିଜେପି ଦଳର ସାଧାରଣ ସଂପାଦକ କୈଳାଶ ବିଜୟବର୍ଗୀୟଙ୍କୁ ମଧ୍ୟ ବିଧାନସଭା ନିର୍ବାଚନରେ ପ୍ରାର୍ଥୀ କରିଛି । ଏହା ପୂର୍ବରୁ ଅଗଷ୍ଟ ୧୭ ତାରିଖରେ ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିଥିଲା ବିଜେପି ।

Also read- ଶରଦ ପାୱାରଙ୍କ ସମର୍ଥନରେ ଥିବା ବିଧାୟକଙ୍କୁ ଅଯୋଗ୍ୟ ଘୋଷଣା କରିବାକୁ ବାଚସ୍ପତିଙ୍କ ପାଖରେ ଫେରାଦ ହେଲେ ଅଜିତ ପାୱାର

ଦ୍ଵିତୀୟ ପର୍ଯ୍ୟାୟ ପ୍ରାର୍ଥୀ ତାଲିକାକୁ ମିଶାଇ ମୋଟ ୭୮ ପ୍ରାର୍ଥୀଙ୍କ ନାମ ଘୋଷଣା କରିଛି ବିଜେପି । ୨୩୦ ଆସନ ବିଶିଷ୍ଟ ବିଧାନସଭା ନିର୍ବାଚନରେ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ କେଉଁ ଆସନରୁ ମଇଦାନକୁ ଓହ୍ଲାଇବେ ସେ ନେଇ ସୂଚନା ମିଳିପାରି ନାହିଁ । ସୂଚନାଯୋଗ୍ୟ, ୨୦୧୮ ବିଧାନସଭା ନିର୍ବାଚନରେ କଂଗ୍ରେସ ସରକାର ଗଠନ କରିଥିଲା । ହେଲେ ୨୦୨୦ରେ ଜ୍ୟୋତିରାଦିତ୍ୟ ସିନ୍ଧିଆ ବିଦ୍ରୋହ କରି ୨୨ ବିଧାୟକଙ୍କ ସହ ବିଜେପିରେ ସାମିଲ ହୋଇଥିଲେ । ଏହା ପରେ ମଧ୍ୟପ୍ରଦେଶ ଶାସନ ଭାର ଗ୍ରହଣ କରିଥିଲା ବିଜେପି।