ନୂଆଦିଲ୍ଲୀ: ଲୋକସଭା ନିର୍ବାଚନ ରେଜଲ୍ଟ ଜୁନ ୪ରେ ଘୋଷଣା ହେବ । କିନ୍ତୁ ଏହା ପୂର୍ବରୁ ବିଜେପିର ନିଜ ଖାତା ଖୋଲିଛି । ସୁରଟ ଲୋକସଭା ଆସନରୁ ବିଜେପି ପ୍ରାର୍ଥୀ ମୁକେଶ ଦଲାଲ ଭୋଟିଂ ପୂର୍ବରୁ ନିର୍ଦ୍ୱନ୍ଦ୍ୱରେ ବିଜୟୀ ହୋଇଛନ୍ତି । କଂଗ୍ରେସ ପ୍ରାର୍ଥୀଙ୍କ ନାମାଙ୍କନ ରଦ୍ଦ ହେବା ଏବଂ ଅନ୍ୟ ସମସ୍ତ ୮ ନିର୍ଦଳୀୟ ପ୍ରାର୍ଥୀ ନାମାଙ୍କନ ପତ୍ର ପ୍ରତ୍ୟାହାର କରିବା ପରେ ବିଜେପି ପ୍ରାର୍ଥୀ ନିର୍ବିରୋଧରେ ବିଜୟୀ ହୋଇଛନ୍ତି । 

ଉଲ୍ଲେଖଯୋଗ୍ୟ ଯେ ଗତ ଦୁଇ-ତିନି ଦିନରୁ ସୁରଟ ଲୋକସଭା ଆସନକୁ ନେଇ ହାଇ ଭୋଲଟେଜ୍ ଡ୍ରାମା ଚାଲିଥିଲା ଯାହା ଉପରେ ଆଜି ବିରାମ ଲାଗିଛି । ଏହି ଡ୍ରାମା ପଛର କାରଣ ଏହା କୁହାଯାଉଛି ଯେ କଂଗ୍ରେସ ପ୍ରାର୍ଥୀ ନୀଲେଶ କୁମ୍ୱାନୀଙ୍କ ନାମାଙ୍କନ ପତ୍ରକୁ ନେଇ ବିଜେପି ଆପତ୍ତି ଉଠାଇଥିଲା । ଏହି ମାମଲାକୁ ନେଇ ରବିବାର ଶୁଣାଣି ହୋଇଥିଲା ଏବଂ କଂଗ୍ରେସ ପ୍ରାର୍ଥୀଙ୍କ ଫର୍ମ ଅମାନ୍ୟ ଘୋଷଣା କରାଯାଇଥିଲା ।

ଏହି ଆସନ ପାଆଇଁ ମୋଟ ୧୦ ଜଣ ପ୍ରାର୍ଥୀ ନିଜ ନାମାଙ୍କନ ଦାଖଲ କରିଥିଲେ । କଂଗ୍ରେସ ପ୍ରାର୍ଥୀଙ୍କ ନାମାଙ୍କନ ରଦ୍ଦ ହେବା ପରେ ଅନ୍ୟ ୮ ଜଣ ମଧ୍ୟ ନିଜ ପ୍ରାର୍ଥୀ ପତ୍ର ଫେରାଇ ନେଇଥିଲେ । ଏହାପରେ ସୁରଟ ଜିଲ୍ଲାପାଳ ମୁକେଶ ଦଲାଲଙ୍କୁ ବିଜୟର ପ୍ରମାଣ ପତ୍ର ଦେଇଛନ୍ତି । ଗୁଜରାଟ ବିଜେପି ଅଧ୍ୟକ୍ଷ ସିଆର୍ ପାଟିଲ୍ ମଧ୍ୟ ସୋମବାର ସୋସିଆଲ ମିଡିଆରେ ଦଲାଲଙ୍କୁ ବିଜୟ ପାଇଁ ଶୁଭେଚ୍ଛା ଜଣାଇଛନ୍ତି ।

માનનીય પ્રધાનમંત્રી શ્રી નરેન્દ્રભાઇ મોદી સાહેબને સુરતે પહેલું કમળ અર્પણ કર્યું !!

સુરત લોકસભા બેઠકના ઉમેદવાર શ્રી મુકેશભાઇ દલાલને બિનહરીફ ચૂંટાવવા બદલ ખૂબ ખૂબ અભિનંદન અને શુભેચ્છાઓ પાઠવ્યા !! #PhirEKBarModiSarkar#AbkiBaar400Paar pic.twitter.com/w87WSrla5s

— C R Paatil (Modi Ka Parivar) (@CRPaatil) April 22, 2024