ସୋର ୧।୧୨: ବାଲେଶ୍ବର ଜିଲ୍ଲା ଖଇରା ଥାନାରେ ମନମୁଖୀ କାର୍ଯ୍ୟ ଓ ପାତର ଅନ୍ତର କାର୍ଯ୍ୟକଳାପ ହେଉଥିବା ଅଭିଯୋଗ । ସାଧାରଣ ଗରିବ ଖଟିଖିଆ ଲୋକମାନେ ଥାନାରେ ନ୍ୟାୟ ନପାଇ ହଇରାଣ ହେଉଥିବା ଅଭିଯୋଗ କରି ଖଇରା ଥାନା ଗେଟ୍ ସମ୍ମୁଖରେ ପୂର୍ବତନ ମନ୍ତ୍ରୀ ତଥା ବିଜେପି ନେତା ପଦ୍ମଲୋଚନ ପଣ୍ଡାଙ୍କ ନେତୃତ୍ବରେ ଗଣଧାରଣା ଦେଇଥିଲେ ।
ଏହି ଧାରଣାରେ ବିଜେପି ଜିଲ୍ଲା ସଭାପତି ଉମାକାନ୍ତ ମହାପାତ୍ର, ବିଜେପି ନେତ୍ରୀ ଶୋଭନା ମହାନ୍ତି, ଚିନ୍ମୟୀ ମହାପାତ୍ର, ଝିଙ୍କିରିଆ ସମିତି ସଭ୍ୟ କୈଳାସ ମାଝୀ, ନିରଞ୍ଜନ ବେହେରା ପ୍ରମୁଖ ଉପସ୍ଥିତ ଥିଲେ ।
ଅନ୍ୟପଟେ ଗୋଟିଏ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି । ଶେଷରେ ଖଇରା ତହସିଲଦାର ପ୍ରଦୀପ କୁମାର ସାହୁଙ୍କ ସହିତ ଆଲୋଚନା କରିଥିଲେ । ଏହାର ସମାଧାନ କରିବା ପାଇଁ ପ୍ରତିଶ୍ରୁତି ଦେଇଥିଲେ । ଖଇରା ଆଇଆଇସି ସୁବ୍ରତ କୁମାର ବେହେରା ଅଭିଯୋଗକୁ ଖଣ୍ଡନ କରିଥିଲେ।
