scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଓଡିଶାରେ ଅପରାଧ ହାର ଜାତୀୟ ହାରଠୁ ୪ ଗୁଣା ବେଶୀ, ମହିଳାଙ୍କ ଉପରେ ଅତ୍ୟାଚାର ପ୍ରସଙ୍ଗରେ ରାଜ୍ୟ ସରକାରକୁ ବିଜେପିର ଟାର୍ଗେଟ୍

20/09/2021 at 2:51 PM

ଭୁବନେଶ୍ୱର ୨୦।୦୯: ରାଜ୍ୟ ବିଜେପି ପକ୍ଷରୁ ପ୍ରେସମିଟ୍‌ ।  ଓଡିଶାର ବିଜେଡି ସରକାର ମାକୁ ସମ୍ମାନର ଡିଣ୍ଡିମ ପିଟୁଛନ୍ତି । କିନ୍ତୁ NCRB ରିପୋର୍ଟ ତଥ୍ୟ କହୁଛି ମହିଳା ଓଡ଼ିଶାରେ ସବୁଠାରୁ ଉପେକ୍ଷିତ । ମହିଳାଙ୍କ ଉପରେ ଅତ୍ୟାଚାର ରାଜ୍ୟ ସରକାରଙ୍କ ପ୍ରୋତ୍ସାହନରେ ବଢିଛି ବୋଲି କହିଛନ୍ତି ବିଜେପି ରାଜ୍ୟ ସାଧାରଣ ସମ୍ପାଦିକା ଲେଖାଶ୍ରୀ ସାମନ୍ତସିଂହାର ।

ସେ ଆହୁରି ମଧ୍ୟ କହିଛନ୍ତି ଯେ, ଦୋଷୀଙ୍କୁ ଦଣ୍ଡ ଦେବା ହାର ମାତ୍ର ୯% । ତେଣୁ ଅଧିକ ଅପରାଧ ପାଇଁ ସାହସ ପାଉଛନ୍ତି ଅପରାଧୀ । ପୋଲିସ ଅପରାଧୀଙ୍କୁ ଘଣ୍ଟ ଘୋଡାଉଛି । ଅଧିକାଂଶ ଅପରାଧୀ ଶାସକ ଦଳର ନେତା କିମ୍ବା ଶାସକ ଦଳର ସମର୍ଥକ । ତେଣୁ ପୋଲିସ ଉପରେ ଚାପ ପକାଯାଉଛି । ୨୦୧୯ରେ ୧.୨୧ ଅପରାଧିକ ମାମଲା ଓ ୨୦୨୦ରେ ୧.୩୪ଲକ୍ଷ ଅପରାଧିକ ମାମଲା ରୁଜୁ ହୋଇଛି । ଗଣଦୁଷ୍କର୍ମ ଏବର୍ଷ ୨୦ଟି ହେଇଛି, ୩୦୭୭୫ମହିଳା ଅପହରଣ । କ୍ରାଇମ୍ ରେଟ୍ ଜାତୀୟ ହାରଠାରୁ ୪ ଗୁଣ ଅଧିକ । କୋଭିଡ ସମୟରେ ମହିଳା ବିରୋଧୀ ଅପରାଧ ସାରା ଦେଶରେ କମିଥିବା ବେଳେ ଓଡ଼ିଶାରେ ୧୦% ବଢିଛି । ଓଡ଼ିଶାରେ ଗତବର୍ଷ ତୁଳନାରେ ୭୬% ସାଇବର ଅପରାଧ ବଢିଛି । ଅନୁସୂଚିତ ଜାତି ଓ ଜନଜାତି ମହିଳାଙ୍କ କ୍ଷେତ୍ରରେ ୬୦% ଅପରାଧ ବଢିଛି ।

ବିଜେପି ଆହୁରି ଅଭିଯୋଗ କରିଚି ଯେ, ସ୍ୱିଗି ବୟ ଭଳି ଅଯଥା କାମରେ ଲାଗି ପୋଲିସ ଯାତ୍ରା କରୁଛି କିନ୍ତୁ ପ୍ରକୃତ ଅପରାଧର ତଦନ୍ତ କରୁନି । ୧୫ବର୍ଷର ପିଲା ରାଜଧାନୀ ଡ୍ରେନରେ ଭାସି ଜୀବନ ହରାଉଛି କିନ୍ତୁ ମୁଖ୍ୟମନ୍ତ୍ରୀ ଦୁଃଖ ପ୍ରକାଶ କରିନାହାନ୍ତି । ଏହାକୁ ଆମେ ନିନ୍ଦା କରୁଛୁ । ଏହା ଅତ୍ୟନ୍ତ ଦୁର୍ଭାଗ୍ୟଜନକ । ଆଗକୁ ମହିଳା ଅତ୍ୟାଚାର ପ୍ରସଙ୍ଗରେ ଆମେ ଆନ୍ଦୋଳନକୁ ଓହ୍ଲାଇବୁ ବୋଲି ଦଳ ପକ୍ଷରୁ ଚେତାବନୀ ଦିଆଯାଇଛି ।

   Related Posts