ଭୁବନେଶ୍ବର୧୬|୭; ପାଟକୁରା ନିର୍ବାଚନ ପରିପ୍ରେକ୍ଷୀରେ ବିଜେପି ପ୍ରେସ ମିଟ୍ କରିଛି । ସାମ୍ବାଦିକ ସମ୍ମିଳନୀରେ ବିଜେପି ରାଷ୍ଟ୍ରୀୟ ପ୍ରବକ୍ତା ସମ୍ବିତ୍ ପାତ୍ର ବିଜେଡିକୁ ଟାର୍ଗେଟ କରିଛନ୍ତି ।ସେ ପ୍ରଶ୍ନ କରିଛନ୍ତି ଯେ, କର୍ମୀଙ୍କ ଉପରେ ଭରସା ନଥିବାରୁ ମୁଖ୍ୟମନ୍ତ୍ରୀ ରୋଡ ସୋ କରିବାକୁ ବାହାରିଛନ୍ତି ନା ବିଜୟ ମହାପାତ୍ରଙ୍କୁ ଡରୁଛନ୍ତି । ବିଜେଡି ଓ ଏମଏଲଏ ଓ ମନ୍ତ୍ରୀ ପାଟକୁରା ରେ ଡେରା ପକାଇଛନ୍ତି ।
ମନ୍ତ୍ରୀ ଓ ବିଧାୟକମାନେ ବିଧାନସଭାରେ ଅନୁପସ୍ଥିତ ରହୁଛନ୍ତି । ପାଟକୁରାରେ ବିଜେଡି ଟଙ୍କା ବାଣ୍ଟିଛି ବୋଲି ସେ ଅଭିଯୋଗ ଆଣିବା ସହ ଏ ନେଇ ନିର୍ବାଚନ କମିସନ୍ ଙ୍କ ଠାରେ ଅଭିଯୋଗ କରିଯାଇଛି ବୋଲି କହିଛନ୍ତି । ବିଜୟଙ୍କ ପରି ଅନୁଭବୀ ନେତା ବିଧାନସଭା କୁ ଯିବା ଦରକାର ।.
ପାଟକୁରାରେ ବିଜେପି ସହିତ ସରକାର ନିର୍ବାଚନ ଲଢୁଛନ୍ତି।ପୁରା ସରକାରୀ କଳ ନିର୍ବାଚନରେ ଲାଗୁଛନ୍ତି । ଯିଏ ବିଜେପି ପାଇଁ ପ୍ରଚାର କରୁଛି ତାକୁ ଗୁଳି ମାଡ ହେଉଛି ବୋଲି ସେ ଆକ୍ଷେପ କରିଛନ୍ତି ।
ଅପରପକ୍ଷରେ ଏହାର ଜବାବ ଦେଇଛନ୍ତି ବିଜେଡି ମୁଖପାତ୍ର ସୁବାସ ସିଂ । ସେ କହିଛନ୍ତି ଯେ, ସମ୍ବିତ ପାତ୍ର ପାଟକୁରାରେ କଣ କରୁଛନ୍ତି । ବିଜେଡି କେନ୍ଦ୍ରାପଡା ଜିଲ୍ଲାପାଇଁ ଲଢୁଛି ବୋଲି ସୁବାସ ସିଂ କହିବା ସହ ବିଧାନସଭାରେ ବିଜେଡି ଦାୟିତ୍ବ ତୁଲାଉଛି ବୋଲି ଜବାବ ଦେଇଛନ୍ତି ।