oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୨୧୧ କୋଭିଡ୍ ପଜିଟିଭ୍
  • ||
  • ଲମତାପୁଟ : କାରରୁ ୮ଲକ୍ଷ ଟଙ୍କାର ଗଞ୍ଜେଇ ଜବତ, ମାଫିଆ ଫେରାର
  • ||
  • ଭୁବନେଶ୍ୱର : ବର୍ଷାରେ ଭିଜିବ ଦଶହରା, ୨ରେ ଆସୁଛି ଆଉ ଏକ ଲଘୁଚାପ !
  • ||

ବିଜେପି ସାଂସଦ ସୁଶିଲ ମୋଦୀଙ୍କ ଭବିଷ୍ୟବାଣୀ: କାର୍ଯ୍ୟକାଳ ପୂରଣ ପୂର୍ବରୁ ବିହାରରେ ଧରାଶାୟୀ ହେବ ମହାଗଠବନ୍ଧନ ସରକାର

10/08/2022 at 5:06 PM

ପାଟନା ୧୦/୦୮: ବିହାରରେ ରାଜନୈତିକ ପାଣିପାଗ ଏବେ ସରଗରମ ରହିଛି। ଶୁକ୍ରବାରବିଜେପି ସହିତ ମେଣ୍ଟ ଭାଙ୍ଗିବା ସହିତ ବିହାର ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି ମୁଖ୍ୟମନ୍ତ୍ରୀ ନୀତୀଶ କୁମାର। ପରେ ସେ ଆରଜେଡି-ଏଲଇଡି ମହାଗଠବନ୍ଧନ ସାହାଜ୍ୟରେ ପୁଣି କ୍ଷମତାକୁ ଆସିଛନ୍ତି। ଏହା ମଧ୍ୟରେ ବିହାରର ପୂର୍ବତନ ଉପ ମୁଖ୍ୟମନ୍ତ୍ରୀ ତଥା ବିଜେପି ରାଜ୍ୟସଭା ସାଂସଦ ସୁଶୀଲ କୁମାର ମୋଦି କହିଛନ୍ତି ଏବେ ତିଆରି ହୋଇଥିବା ମହାଗଠବନ୍ଧନ ସରକାର ତାର ୨୦୨୫ରେ କାର୍ଯ୍ୟକାଳ ସରିବା ପୂର୍ବରୁ ଧରାଶାୟି ହେବ।  

ସୁଶୀଲ ମୋଦୀ ଜେଡିୟୁ (ଜନତା ଦଳ ୟୁନାଇଟେଡ) ମୁଖ୍ୟ ତଥା ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କୁ ଭର୍ତ୍ସନା କରିଛନ୍ତି। ସେ କହିଛନ୍ତି ନୀତୀଶ କୁମାର ପ୍ରଧାନମନ୍ତ୍ରୀଙ୍କୁ ଏବଂ ଏନଡିଏକୁ ଭୋଟ ଦେଇଥିବା ବିହାର ଜନତାମାନଙ୍କୁ ଅପମାନିତ କରିଛନ୍ତି। ଏକ ସାମ୍ୱାଦିକ ସମ୍ମିଳନୀକୁ ସମ୍ୱୋଧନ କରି ସୁଶିଲ ମୋଦୀ କହିଛନ୍ତି ଆରଜେଡି ମୁଖ୍ୟ ଲାଲୁ ଯାଦବଙ୍କ ଅସୁସ୍ଥତାର ଫାଇଦା ନେଇ ନୀତୀଶ ଆରଜେଡି ଛାଡ଼ିବେ ଓ ଆରଜେଡିରେ ଫାଟ ସୃଷ୍ଟି କରିବା ପାଇଁ ଚେଷ୍ଠା କରିବେ।   

ସେ ଜେଡିୟୁର ନେତା ଆରସିପି ସିଂହଙ୍କ ମାଧ୍ୟମରେ କରାଯାଇଥିବା ଷଡ଼ଯନ୍ତ୍ରର ଦାବିକୁ ଖଣ୍ଡନ କରି ଦାବି କରିଛନ୍ତି ଯେ ଗୃହମନ୍ତ୍ରୀ ଅମିତ ଶାହ ନୀତିଶ କୁମାରଙ୍କ ସହମତି ନେବା ପରେ ପୂର୍ବତନ କେନ୍ଦ୍ରମନ୍ତ୍ରୀଙ୍କୁ କ୍ୟାବିନେଟରେ ସାମିଲ କରାଯାଇଥିଲା।  ସୁଶୀଲ ଆହୁରି କହିଛନ୍ତି, ଆମେ ଦେଖିବାକୁ ଚାହୁଁଛୁ ଯେ ବିହାରରେ ନୂଆ ସରକାର ଉପ ମୁଖ୍ୟମନ୍ତ୍ରୀ ତେଜସ୍ୱୀ ଯାଦବଙ୍କ ନେତୃତ୍ୱରେ କିପରି କାର୍ଯ୍ୟ କରୁଛି? ଏହା ଆସନ୍ତା ନିର୍ବାଚନ ପୂର୍ବରୁ ଭାଙ୍ଗିଯିବ ବୋଲି ସୁଶୀଲ କହିଛନ୍ତି।   

ସେପଟେ ଲାଗାତାର ଅଷ୍ଟମ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପଥ ନେବାପରେ ନୀତୀଶ କହିଛନ୍ତି ବିହାର ଜନତା ନୂଆ ସରକାର ଗଠନ ପରେ ବେଶ ଖୁସି। ୨୦୨୦ ନିର୍ବାଚନରେ ଜେଡିୟୁ ସହିତ ବହୁତ ଖରାପ ବ୍ୟବହାର ହୋଇଥିଲା। ସେଥିପାଇଁ ବିଧାୟକ ଏବଂ ସାଂସଦମାନେ ବାରମ୍ବାର ବିଜେପି ମେଣ୍ଟରୁ ଓହରି ଯିବାପାଇଁ କହୁଥିଲେ। ଶେଷରେ ଆମେ ଏନଡିଏ ମେଣ୍ଟରୁ ଓହରି ଯାଇଛୁ। କିଛି ଲୋକ ଭାବୁଛନ୍ତି ଦେଶରେ ବିରୋଧୀ ଦଳ ଶେଷ ହୋଇଯିବେ। ଏବେ ଆମେ ବି ବିରୋଧୀମେଣ୍ଟରେ ଆସିଯାଇଛୁ। ବିରୋଧୀ ଦଳ ଆହୁରି ମଜବୁତ ହେବ।

   Related Posts