scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଡ୍ରଗ୍ସ ମାଫିଆଙ୍କ ଠାରୁ ଧମକ ମିଳିବା ପରେ ବିଜେପି ସାଂସଦ ରବି କିଷନଙ୍କ ପ୍ରତିକ୍ରିୟା-‘ଦେଶର ଭବିଷ୍ୟତ ପାଇଁ ଗୁଳି ଖାଇବାକୁ ବି ପ୍ରସ୍ତୁତ’

27/09/2020 at 12:49 PM

ନୂଆଦିଲ୍ଲୀ ୨୭/୦୯ : ଗୋରଖପୁର ବିଜେପି ସାଂସଦ ରବି କିଷନ ଧମକ ମାମଲାରେ ବୟାନ ଦେଇଛନ୍ତି । ସେ କହିଛନ୍ତି ଯେ ସେ ସର୍ବଦା ସ୍ୱର ଉଠାଇବେ । ସେ ନିଜ ଜୀବନ ପ୍ରତି ଚିନ୍ତିତ ନୁହନ୍ତି । ଫିଲ୍ମ ଇଣ୍ଡଷ୍ଟ୍ରି ଓ ଯୁବପିଢୀର ଭବିଷ୍ୟତ ପାଇଁ ନିଶ୍ଚୟ ନିଜ ପକ୍ଷ ରଖିବେ ବୋଲି କହିଛନ୍ତି ରବି । ସୂଚନାଯୋଗ୍ୟ ଯେ ଅଭିନେତା ତଥା ସାଂସଦ ରବି କିଷନଙ୍କୁ ଡ୍ରଗ୍ସ ମାଫିଆଙ୍କ ଠାରୁ ଜୀବନରେ ମାରିଦେବାକୁ ଧମକ ମିଳୁଛି । ରବି କିଷନ କହିଛନ୍ତି, “ଦେଶର ଭବିଷ୍ୟତ ପାଇଁ ଦୁଇ-ଚାରିଟି ଗୁଳି ଖାଇଲେ ମଧ୍ୟ କିଛି ଚିନ୍ତା ନାହିଁ ।”

ସୂଚନାଯୋଗ୍ୟ ଯେ, ରବି କିଷନ ସଂସଦରେ ବଲିଉଡରେ ଡ୍ରଗ୍ସ ନେଟୱାର୍କ ପ୍ରସଙ୍ଗ ଉଠାଇଥିଲେ । ଏହାପରେ ତାଙ୍କୁ ଡ୍ରଗ୍ସ ମାଫିଆ ଠାରୁ ଜୀବନରେ ମାରିଦେବାକୁ ଧମକ ଆସୁଛି । ରବି କିଷନ ଶନିବାର ଦିନ ଦିଲ୍ଲୀରୁ ଗୋରଖପୁର ଯାଇଛନ୍ତି । ପ୍ରାପ୍ତ ସୂଚନା ଅନୁଯାୟୀ ଏହି ମାମଲାରେ ସେ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସହ ସାକ୍ଷାତ ମଧ୍ୟ କରିପାରନ୍ତି ଏବଂ ଧମକକୁ ନେଇ ଯୋଗୀଙ୍କୁ ସୂଚନା ମଧ୍ୟ ଦେଇପାରନ୍ତି ।

ଲୋକସଭାରେ ଏହି ପ୍ରସଙ୍ଗ ଉଠାଇବା ପୂର୍ବରୁ ମଧ୍ୟ ରବି କିଷନ ବଲିଉଡ ଓ ଦେଶରେ ବିସ୍ତାର କରୁଥିବା ଡ୍ରଗ୍ସ କନେକ୍ସନ ପ୍ରସଙ୍ଗରେ ଉଠାଇଥିଲେ । ସୁଶାନ୍ତ ସିଂହ ରାଜପୁତ ମାମଲାରେ ଡ୍ରଗ୍ସ ଏଙ୍ଗଲରେ ତଦନ୍ତ ହେବାପରେ ରବି କିଷନ ଏକ ଗଣମାଧ୍ୟମ ଚାନେଲ ସହ କଥାବାର୍ତ୍ତା କରି କହିଥିଲେ ଯେ ଦେଶରେ ହଜାର କୋଟି ଟଙ୍କାର ଡ୍ରଗ୍ସ କାରବାର ଚାଲିଛି । କିନ୍ତୁ ବଲିଉଡରେ ଏତେ ବଡ଼ ପରିମାଣରେ ଡ୍ରଗ୍ସ କନେକ୍ସନ ସାମ୍ନାକୁ ଆସିବାପରେ ସେ ଆଶ୍ଚର୍ଯ୍ୟ ବ୍ୟକ୍ତ କରି କହିଥିଲେ ଯେ ସେ ଜାଣିନଥିଲେ ଯେ ଡ୍ରଗ୍ସ ବଲିଉଡକୁ ଏହିଭଳି ଭାବେ ନିଜ ଜାଲରେ ଫସାଇ ସାରିଛି । ରବି କିଷନ କହିଥିଲେ ଯେ, ପଡୋଶୀ ଦେଶ ଡ୍ରଗ୍ସ ମାଧ୍ୟମରେ ଦେଶର ଯୁବପିଢୀକୁ ବିଗାଡିବାକୁ ଉଦ୍ୟମ କରୁଛନ୍ତି ।

   Related Posts