ପାଟନା,୩୧/୧୦:  ବିହାରରେ ଗୋଟିଏ ପଟେ ବିଧାନସଭା ନିର୍ବାଚନ ପାଇଁ ଜୋରସୋରରେ ପ୍ରଚାର ହେଉଛି । ବିଭିନ୍ନ ରାଜନୈତିକ ଦଳର ପ୍ରାର୍ଥୀ, ନେତା ଓ କର୍ମୀମାନେ ଘର ଘର ବୁଲି ଭୋଟ୍ ଭିକ୍ଷା କରୁଛନ୍ତି । ଏହାମଧ୍ୟରେ ରାଜ୍ୟର କଟିହାର ଜିଲ୍ଲାରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଜଣେ ମହିଳାଙ୍କ ସହ ଆପତ୍ତିଜନକ ଅବସ୍ଥାରେ ଥିବା ବିଜେପି ନେତାଙ୍କୁ କାବୁ କରିଛନ୍ତି ଗ୍ରାମବାସୀ । ଏହାସହ ଉଭୟ ବିଜେପି ନେତା ଓ ମହିଳାଙ୍କୁ ଗ୍ରାମବାସୀମାନେ ମାଡ ମଧ୍ୟ ମାରିଛନ୍ତି । ଜିଲ୍ଲାର ଆଜମନଗରରେ ଏହି ଘଟଣା ଚର୍ଚ୍ଚାର ବିଷୟ ବସ୍ତୁ ପାଲଟିଛି ।

ସୂଚନାନୁସାରେ, ଗ୍ରାମବାସୀ ଓ ପରିବାର ଲୋକେ ମହିଳାଙ୍କୁ ବିଜେପି ଆଜମନଗର ସଂଖ୍ୟାଲଘୁ ମୋର୍ଚ୍ଚାର ଯୁବ ସଭାପତିଙ୍କ ସହ ଆପତ୍ତିଜନକ ଅବସ୍ଥାରେ ଦେଖିଥିଲେ । ଏହା ପରେ ଉଭୟଙ୍କୁ ଧରି ଗ୍ରାମବାସୀମାନେ ନିସ୍ତୁକ ମାଡ ମାରିଥିଲେ । ଏପରିକି ମହିଳାଙ୍କ ସହ ବିଜେପି ନେତା ମହମ୍ମଦ ମିନହାଜଙ୍କୁ ଏକ ଖୁଣ୍ଟରେ ବାନ୍ଧି ଦେଇଥିଲେ ।

ଖବର ଲେଖାଯିବା ସୁଦ୍ଧା ଏହି ମାମଲା ପୋଲିସ ପାଖରେ ପହଁଚି ନାହିଁ । ଘଟଣାକୁ ନେଇ ମହିଳାଙ୍କ ଶୂଶୁର କହିଛନ୍ତି ଯେ, ମହମ୍ମଦ ତାଙ୍କ ପୁଅ ନଥିବା ବେଳେ ଅଧିକାଂଶ ସମୟରେ ଘରକୁ ଆସିଥାଏ । ଅନେକ ସମୟରେ ପରିବାର ଲୋକ ଶୋଇବା ପରେ ମହମ୍ମଦ ମହିଳାଙ୍କ ପାଖକୁ ଆସିଥାଏ । ତେବେ ଶୁକ୍ରବାର ରାତିରେ ଗ୍ରାମବାସୀ ମହମ୍ମଦକୁ ଦେଖି ଧରିଥିଲେ । ଏହାସହ ମାଡ ମଧ୍ୟ ମାରିଥିଲେ । ଆହୁରି ମଧ୍ୟ ମହିଳାଙ୍କୁ ମଧ୍ୟ ଗ୍ରାମବାସୀ ନିସ୍ତୁକ ପିଟିଥିଲେ ।