scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଉଦ୍ଧବଙ୍କୁ ନାରାୟଣ ରାଣେଙ୍କ ପ୍ରଶ୍ନ, ସରକାର ଗଢିବାକୁ ଲାଗିଲା ୫ ସପ୍ତାହ, ରାଜ୍ୟ ଚଳାଇବ କିପରି ?

12/01/2020 at 7:25 PM

ମୁମ୍ବାଇ ୧୨।୧: ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ତଥା ବରିଷ୍ଠ ବିଜେପି ନେତା ନାରାୟଣ ରାଣେ ଉଦ୍ଧବ ସରକାରକୁ ନେଇ ରବିବାର ବଡ ବୟାନ ଦେଇଛନ୍ତି । ନାରାୟଣ ରାଣେ କହିଛନ୍ତି ଯେ, ମହାରାଷ୍ଟ୍ରରେ ଶିବସେନାର ୫୬ବିଧାୟକଙ୍କ ମଧ୍ୟରୁ ୩୫ଜଣ ନେତୃତ୍ୱକୁ ନେଇ ଅସନ୍ତୁଷ୍ଠ । ସେହିପରି ଶନିବାର ଏକ କାର୍ଯ୍ୟକ୍ରମରେ ଯୋଗଦେଇ ଗଣମାଧ୍ୟମ ପ୍ରଶ୍ନର ଉତ୍ତର ଦେଇ କହିଥିଲେ ଯେ, ମହାରାଷ୍ଟ୍ରରେ ମହା ବିକାଶ ଅଘାଡି ସରକାର ସମ୍ପୂର୍ଣ୍ଣ ବେକାର । ଶିବସେନା , ଏନସିପି ଓ କଂଗ୍ରେସ ରାଜ୍ୟରେ ସରକାର ଗଢିବାକୁ ୫ସପ୍ତାହରୁ  ଅଧିକ ସମୟ ନେଇଛନ୍ତି ସେମାନେ ରାଜ୍ୟ ଚଳାଇବେ କିପରି ବୋଲି ପ୍ରଶ୍ନ କରିଥିଲେ ।

ପୂର୍ବତନ ମୁଖ୍ୟମନ୍ତ୍ରୀ ନାରାୟଣ ରାଣେ ଦୃଢୋକ୍ତି ସହ କହିଛନ୍ତି ଯେ, ଭାରତୀୟ ଜନତା ପାର୍ଟି ପୁଣିଥରେ ସରକାରକୁ ଫେରିବ । ବିଜେପି ପାଖରେ ୧୦୫ବିଧାୟକ ଅଛନ୍ତି । ସେପଟେ ଶିବସେନା ନିକଟରେ ଥିବା ୫୬ଜଣ ବିଧାୟକଙ୍କ ମଧ୍ୟରୁ ୩୫ଜଣ ଅସନ୍ତୁଷ୍ଟ ଅଛନ୍ତି । କୃଷକଙ୍କୁ ଋଣ କ୍ଷମା କରିବା ଘଟଣାରେ ଉଦ୍ଧବଙ୍କ ପ୍ରତିଶ୍ରୁତି ମିଥ୍ୟ ବୋଲି ରାଣେ କହିଛନ୍ତି ।  ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ସରକାର କିପରି ଚାଲିବ ତାହା ଜଣାନାହିଁ।

ତେବେ ରାଜ୍‌ ଠାକରେଙ୍କ ପାର୍ଟି ସହିତ ବିଜେପି ଗଠବନ୍ଧନ ନେଇ ବିଜେପରି ପ୍ରମୁଖ କିଛି କହି ପାରିବେ ବୋଲି ରାଣେ କହିଛନ୍ତି । ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ  ତଥା ବିଜେପି ନେତା ଦେବେନ୍ଦ୍ର ଫଡନାବିସ ମଙ୍ଗଳବାର ଦିନ ମହାରାଷ୍ଟ୍ର ନବନିର୍ମାଣ ସେନା ପ୍ରମୁଖଙ୍କ ସହ ସାକ୍ଷାତ କରିଥିଲେ । ଦୁଇ ନେତାଙ୍କ ମଧ୍ୟରେ ୧ଘଣ୍ଟାରୁ ଅଧିକ ସମୟ ଧରି ମୁମ୍ବାଇରେ ଆଲୋଚନା ହୋଇଥିଲା ।

ଏହି ସାକ୍ଷାତ ପରେ ମହାରାଷ୍ଟ୍ର ରାଜନୀତିରେ ନୂତନ ରାଜନୈତିକ ସମୀକରଣ ସୃଷ୍ଟି ହୋଇଯାଇଛି । ତେବେ ଦେଖାଯାଉ ମହାରାଷ୍ଟ ରାଜନୀତିର ଗଣିତ ଆଗକୁ କିପରି ଫଳ ପ୍ରକାଶ ପାଉଛି ।

   Related Posts