ବେଙ୍ଗାଲୁର ୧୯।୨: ଆଗକୁ କର୍ଣ୍ଣାଟକ ବିଧାନସଭା ନିର୍ବାଚନ। ଏଥିରେ ରାଜ୍ୟ ବିଜେପିକୁ ରବିବାର ଶକ୍ତ ଧକ୍କା ଲାଗିଛି। ବିଜେପି ନେତା ଏଚ୍.ଡି. ଥମ୍ମେୟା ରବିବାର ତାଙ୍କ ସମର୍ଥକଙ୍କ ସହ କଂଗ୍ରେସରେ ଯୋଗ ଦେଇଛନ୍ତି। ବେଙ୍ଗାଲୁରୁସ୍ଥିତ ପାର୍ଟି କାର୍ଯ୍ୟାଳୟରେ ନେତାମାନେ କଂଗ୍ରେସରେ ଯୋଗ ଦେଇଛନ୍ତି। ନିର୍ବାଚନ ପୂର୍ବରୁ ବିଜେପିକୁ ରାଜ୍ୟରେ ଏହା ଶକ୍ତ ଝଟକା ବୋଲି ଏବେ ବୁଝା ଯାଉଛି। ଥମ୍ମେୟା ଏପରି ସମୟରେ କଂଗ୍ରେସରେ ଯୋଗ ଦେଇଛନ୍ତି ଯେତେବେଳେ ଗୃହମନ୍ତ୍ରୀ ଅମିତ ଶାହ କର୍ଣ୍ଣାଟକ ଗସ୍ତରେ ଆସୁଛନ୍ତି।

Many leaders of BJP met me voluntarily. They wanted a change in Chikkamagaluru, 12-13 members applied for tickets. We're admitting all second-hand leaders. It is a trend now, they look at big leaders, we look at leaders that work at booth level: Karnataka Cong Pres DK Shivakumar pic.twitter.com/rvsBt74zeq

— ANI (@ANI) February 19, 2023

ଉଲ୍ଲେଖଯୋଗ୍ୟ ଯେ ବିଜେପି ଜାତୀୟ ସଭାପତି ଜେ.ପି ନଡ୍ଡା ମଧ୍ୟ ୨୦ ଓ ୨୧ ଫେବୃଆରୀରେ କର୍ଣ୍ଣାଟକ ଗସ୍ତରେ ଆସୁଥିବା ବେଳେ ତାର ଦିନକ ପୂର୍ବରୁ ଥମ୍ମେୟା ଓ ସମର୍ଥକମାନେ କଂଗ୍ରେସକୁ ଚାଲିଯାଇଛନ୍ତି। କର୍ଣ୍ଣାଟକ କଂଗ୍ରେସ ଅଧ୍ୟକ୍ଷ ଡି.କେ.ଶିବ କୁମାର କଂଗ୍ରେସ୍‌ରେ ନେତାମାନଙ୍କୁ ସ୍ୱାଗତ କରିଛନ୍ତି। ଶିବକୁମାର କହିଛନ୍ତି ଯେ ଯୋଗ ଦେଇଥିବା ନେତାମାନେ ସ୍ୱେଛାକୃତ ଦଳକୁ ଆସିଛନ୍ତି। ଏଥି ପାଇଁ ଏମାନେ ପୂର୍ବରୁ ଔପଚାରିକ କଥାବାର୍ତ୍ତା କରିଥିଲେ।

ବିଜେପି ଛାଡି କଂଗ୍ରେସରେ ଯୋଗ ଦେଇଥିବା ନେତାମାନେ ଚିକ୍‌ମଙ୍ଗଲୁରରେ ପରିବର୍ତ୍ତନ ଚାହୁଁଥିଲେ। ତେବେ ବିଜେପିରେ ରହି ଏହା ସମ୍ଭବ ନୁହେଁ ବୋଲି ସେମାନେ ଅନୁଭବ କରିବା ପରେ ବିଜେପି ଛାଡିବାକୁ ନିଷ୍ପତ୍ତି ନେବା ସହ କଂଗ୍ରେସରେ ଯୋଗ ଦେଇଥିବା କହିଛନ୍ତି। ଡି.କେ. ଶିବକୁମାର କହିଛନ୍ତି ଯେ ଦଳରେ ନୂଆ କରି ଯୋଗ ଦେଇଥିବା ୧୨ରୁ ୧୩ ଜଣ ବିଧାନସଭା ନିର୍ବାଚନରେ ଟିକେଟ୍‌ ପାଇଁ ଆବେଦନ କରିଛନ୍ତି। ଆମେ ସବୁ ପୁରୁଣା ନେତାଙ୍କୁ ଦଳରେ ସ୍ୱାଗତ କରିଛୁ ବୋଲି ଶିବକୁମାର କହିଛନ୍ତି।