AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବିଜେପି ନେତାଙ୍କୁ ଗୁଳି କରି ହତ୍ୟା, ବୁଲେଟରେ ଆସି ମୁଣ୍ଡକୁ ଗୁଳି କରି ଫେରାର ହୋଇଗଲା ଅଭିଯୁକ୍ତ

18/01/2019 at 4:07 PM

ମନ୍ଦସୋର ୧୮/୧ : ମଧ୍ୟପ୍ରଦେଶ ମନ୍ଦସୋରର ବରିଷ୍ଠ ବିଜେପି ନେତା ତଥା ନଗରପାଳିକା ଅଧ୍ୟକ୍ଷଙ୍କୁ ଗତ ରାତିରେ ଗୁଳି କରି ହତ୍ୟା କରିଛନ୍ତି କିଛି ଦୁର୍ବୁର୍ତ୍ତ | ହତ୍ୟାକାରୀମାନେ ଏକ ବୁଲେଟରେ ଆସିଥିଲେ | ଦୁର୍ବୁର୍ତ୍ତମାନେ ନେତାଙ୍କୁ ବହୁତ ପାଖରୁ ଗୁଳି କରିଥିଲେ | ଗୁଳି କରିବା ପରେ ବିଜେପି ନେତାଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଯାଇଥିଲା | ଏହାପରେ ଆକ୍ରମଣକାରୀମାନେ ଘଟଣାସ୍ଥଳରୁ ଫେରାର ହୋଇଯାଇଥିଲେ |

ମନ୍ଦସୋର ଅଂଚଳର ବିପିଏଲ ଚାରିଛକ ନିକଟରେ ଗୁରୁବାର ଦିନ ସନ୍ଧ୍ୟାରେ ଘଟିଥିଲା ଏହି ହତ୍ୟାକାଣ୍ଡ | ସନ୍ଧ୍ୟା ପ୍ରାୟ ୭ଟା ବେଳେ ନଗରପାଳିକା ଅଧ୍ୟକ୍ଷ ପ୍ରହଲ୍ଲାଦ ବନ୍ଦବାର ଜିଲ୍ଲା ସହକାରୀ ବ୍ୟାଙ୍କ ପାଖରେ ଛିଡା ହୋଇଥିଲେ | ସେତିକିବେଳେ ଜଣେ ଦୁର୍ବୁର୍ତ୍ତ ଅଚାନକ ବୁଲେଟରେ ଆସି ପ୍ରହଲ୍ଲାଦଙ୍କ ମୁଣ୍ଡକୁ ଗୁଳି କରି ଘଟଣାସ୍ଥଳରୁ ଫେରାର ହୋଇଯାଇଥିଲା |

ଯେହେତୁ ସନ୍ଧ୍ୟା ସମୟ ଥିଲା ଛକରେ ଲୋକଙ୍କ ଭିଡ ମଧ୍ୟ ରହିଥିଲା | କିନ୍ତୁ ଘଟଣା ଏତେ ଶୀଘ୍ର ଘଟିଯାଇଥିଲା ଯେ, ପାଖରେ ଥିବା ଲୋକେ କିଛି ବୁଝିପାରିନଥିଲେ | ଗୁଳି କରିବା କ୍ଷଣି ପ୍ରହଲ୍ଲାଦ ଭୂଇଁରେ ପଡିଯାଇଥିଲେ ଏବଂ ତାଙ୍କର ମୃତ୍ୟୁ ହୋଇଯାଇଥିଲା | ଗୁଳି ଆବାଜ ଶୁଣି ପାଖରେ ଥିବା ଲୋକେ ପ୍ରହଲ୍ଲାଦଙ୍କ ପାଖକୁ ଦୌଡ଼ି ଆସିଥିଲେ ଏବଂ ପୋଲିସକୁ ଖବର ଦେଇଥିଲେ | ପୋଲିସ ସଂଗେସଂଗେ ଆସି ଘଟଣାସ୍ଥଳରେ ପହଞ୍ଚିଥିଲା | ପ୍ରହଲ୍ଲାଦଙ୍କ ମୃତଦେହକୁ ଜବତ କରି ଶବ ବ୍ୟବଚ୍ଛେଦ ପାଇଁ ହସ୍ପିଟାଲକୁ ପଠାଇଥିଲା |

ବିଜେପି ନେତା ପ୍ରହଲ୍ଲାଦ ବନ୍ଦବାର ହତ୍ୟା ଘଟଣା ପବନ ଭଳି ସଂଗେସଂଗେ ପୁରା ଅଂଚଳରେ ଖେଳି ଯାଇଥିଲା | ଘଟଣାସ୍ଥଳରେ ଏବଂ ପ୍ରହଲ୍ଲାଦଙ୍କ ବାସଭବନରେ ସ୍ଥାନୀୟ ଲୋକଙ୍କ ଭିଡ ଜମିଯାଇଥିଲା | ପୋଲିସ ଅଭିଯୁକ୍ତକୁ ଖୋଜୁଛି | ଏହାସହ ପୋଲିସ ଆଖପାଖ ଅଂଚଳରେ ଲାଗିଥିବା ସିସିଟିଭି ଫୁଟେଜ ଯାଞ୍ଚ କରୁଛି | ବରିଷ୍ଠ ପୋଲିସ ଅଧିକାରୀଙ୍କ ସୂଚନା ଅନୁସାରେ ଅଭିଯୁକ୍ତଙ୍କୁ କାବୁ କରିବା ପାଇଁ ପୋଲିସ ଟିମ ଗଠନ କରି ଖୋଜାଖୋଜି କରୁଛି | ବିଜେପି ନେତାଙ୍କ ହତ୍ୟା ପରେ ତାଙ୍କ ସମର୍ଥକଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଛି | ପୋଲିସ ଗମ୍ଭୀରତାର ସହ ମାମଲାର ତଦନ୍ତ କରୁଛି |

   Related Posts