ଭୁବନେଶ୍ବର୩୦|୪: ନିର୍ବାଚନ ତାତି ଥମୁଥମୁ ଏବେ ସରକାର କିଏ ଗଢିବ ତାଉପରେ ନଜର । ଏଥର ଭୋଟର ବହୁ ମାତ୍ରାରେ ସାଇଲେଣ୍ଟ ଥିବାରୁ ସବୁଦଳର ଉତ୍କଣ୍ଠା ଯେ କାଳେ ସେମାନେ ବହୁମତ ପାଇ ସରକାର ଗଢିବେ ।
{"id":109195}
ସରିଲା ନିର୍ବାଚନ । ଇଭିଏମ୍ ରେ ସିଲ୍ ହୋଇଛି ଭୋଟ୍ । ମେ ୨୩ର ଫଳାଫଳ କହିବ କାହାର କେତେ ବିଧାନସଭା ଓ ଲୋକସଭା ପ୍ରାର୍ଥୀ ଜିତିବେ । କିନ୍ତୁ ସବୁଦଳ ଏବେଠୁ ହିସାବ କିତାବରେ ମାତିଗଲେଣି । ବୁଥସ୍ତରରୁ ରିପୋର୍ଟ ମଗାଇ କେଉଁ ପ୍ରାର୍ଥୀ କେତେ ଭୋଟ ପାଇଲେ ତାର ଆକଳନ କରି ସରକାର ଗଢିବାକୁ ଦାବି ଆରମ୍ଭ କରିଛନ୍ତି ।
{"id":109190}
ବିଜେପିର ଦାବି ଦଳ ବିଧାନସଭାରେ ୧୦୦ରୁ ଅଧିକ ଆସନ ନେବ । ଲୋକସଭା ସିଟ୍ ସଂଖ୍ୟା ୧୬ରେ ପହଁଚାଇବ । ବିଜେଡି କହୁଛି ସେମାନେ ୧୧୫ ବିଧାନସଭା ଆସନ ଆଣିବେ । ଲୋକସଭା ସିଟ ସଂଖ୍ୟା ୧୮ ଛୁଇଁବ । ଅର୍ଥାତ ରାଜ୍ୟରେ ସରକାର ଓ କେନ୍ଦ୍ରରେ ସରକାର ଗଠନରେ ପ୍ରମୁଖ ଭୁମିକାର ଦାବି ।
{"id":109191}
ମୁଖ୍ୟ ବିରୋଧିଦଳ କଂଗ୍ରେସ ଏଥର କିନ୍ତୁ ସରକାର ଗଠନ ନେଇ ଦାବି କରିବାକୁ ପଛଘୁଞ୍ଚା ଦେଇଚି । ଦଳ ମୁଖିଆ ନିରଞ୍ଜନ ପଟନାୟକ ସ୍ପଷ୍ଟ ଭାବେ କହିଛନ୍ତି ଯେ ସରକାର ଗଢିବୁ ବୋଲି ଦାବି କରିବାକୁ ଆତ୍ମବିଶ୍ବାସ ପାଉନି । କିନ୍ତୁ ୨୦୧୪ ଅପେକ୍ଷା ଦଳ ଭଲ ପ୍ରଦର୍ଶନ କରିବ ବୋଲି ପିସିସି ସଭାପତି ଦୃଢତା ପ୍ରକାଶ କରିଛନ୍ତି ।
{"id":109192}
ଠିକ୍ ଏତିକିବେଳେ ଦିଲ୍ଲୀ ବିମାନବନ୍ଦରରେ ହରିହର ଭେଟ ହୋଇଛି । ମାନେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ମୁଲାକାତ ହୋଇଥିଲା । ୪ ପର୍ଯ୍ୟାୟ ନିର୍ବାଚନ ବେଳେ ପରସ୍ପରକୁ ଖୁବ ଆକ୍ଷେପ କରିଥିଲେ। ଲଲ୍କାରି ଥିଲେ। ଅବଶ୍ୟ ଆଜି ଦେଖାସାକ୍ଷାତରେ ସୌଜନ୍ୟ ଦୃଷ୍ଟିରୁ ପରସ୍ପର ସହିତ ହାତ ମିଳାଇଥିଲେ ଉଭୟ।
{"id":109193}
ଏଥର କିନ୍ତୁ ସବୁ ଦଳର ନେତାଙ୍କ କନଫିଡେନସ ଦୋହଲିଛି । କାରଣ ଭୋଟର ସଚେତନ ହୋଇଛନ୍ତି ଏବଂ ପ୍ରସଙ୍ଗ ସାମ୍ନାକୁ ଆସିଛି । ଯେହେତୁ ଚଳିତ ନିର୍ବାଚନରେ ବହୁ ଟଙ୍କା ଖର୍ଚ୍ଚ କରି ବି ନେତା ଭୋଟରଙ୍କ ମନ କିଣି ପାରିନାହାଁନ୍ତି ସେଥିପାଇଁ ସମସ୍ତେ ସସପେନ୍ସରେ ।
