ଭୁବନେଶ୍ବର ୩୦/୮: ଆନ୍ଧ୍ରରେ ପୋଲାଭରମ ସ୍ଥିତି ଦେଖିଲୁ । ଆଲୋଚନା କଲୁ । ଶନିବାର ଦଳର ସୁପ୍ରିମୋ ନବୀନ ପଟ୍ଟନାୟକଙ୍କୁ ରିପୋର୍ଟ ଦେବୁ । ୨ ଦିନିଆ ପୋଲାଭରମ ସ୍ଥିତି ସମୀକ୍ଷା କରି ଫେରିଲା ପରେ ଏପରି କହିଛନ୍ତି ବିଜେଡି ନେତା ଦେବୀପ୍ରସାଦ ମିଶ୍ର । ଆନ୍ଧ୍ରପ୍ରଦେଶର ପୂର୍ବ ଗୋଦାବରୀଠାରେ ପୋଲାଭରମ ପ୍ରକଳ୍ପର ସ୍ଥିତି ଅନୁଧ୍ୟାନ କରିଥିଲା ବିଜେଡି ଟିମ୍‌ । ଦଳର ନେତା ଦେବୀପ୍ରସାଦ ମିଶ୍ରଙ୍କ ନେତୃତ୍ବରେ ସାଂସଦ ମୁନା ଖାଁ,ଅତନୁ ସବ୍ୟସାଚୀ ନାୟକ,ପ୍ରଦୀପ ମାଝୀ ,ଭୃଗୁବକ୍ସି ପାତ୍ର ଓ ଏନ୍‌.ଭାସ୍କର ରାଓ ପ୍ରମୁଖ ସାମିଲ ହୋଇଥିଲେ ।