ବିନିକା ୧୬।୦୫: ନିର୍ବାଚନ ତାରିଖ ଯେତିକି ପାଖେଉଛି , ନେତା ମାନେ ସେତିକି ଗାଁ ଗାଁ ବୁଲି ନିର୍ବାଚନୀ ପ୍ରଚାର କରୁଛନ୍ତି l ଗୁରୁବାର ଦିନ ବିନିକା ବ୍ଲକ ସିଂଘିଯୁବା ଅଞ୍ଚଳରେ ବିରମହାରାଜପୁର ବିଜେଡି ବିଧାୟକ ପ୍ରାର୍ଥୀ ପଦ୍ମନାଭ ବେହେରା ଓ ବଲାଙ୍ଗୀର ଲୋକସଭା ସାଂସଦ ପ୍ରାର୍ଥୀ ସୁରେନ୍ଦ୍ର ସିଂ ଭୋଇ କର୍ମୀ ମାନଙ୍କୁ ନେଇ ରୋଡ ସୋ କରିଥିଲେ l 

ଖବର ଅନୁଯାୟୀ, ଏହି ଦୁଇ ନେତା ଅଞ୍ଚଳ ବିଭିନ୍ନ ଗାଁକୁ ଯାଇ ନବୀନ ପଟ୍ଟନାୟକଙ୍କ ଲୋକାଭିମୁଖୀ ଯୋଜନା ଉପରେ ବୁଝାଇଥିଲେ ।ଏହାସହ ନୂତନ ଇସ୍ତାହାର ଗୁଡିକ ପୁଣି ବିଜେଡି ସରକାର ଆସିଲେ ଲାଗୁ କରାଯିବ ବୋଲି ଭୋଟରଙ୍କୁ ବୁଝାଉଛନ୍ତି l ଏହି ରୋଡସୋରେ ରାଜ୍ୟ ଯୁବ ବିଜେଡି ଉପସଭାପତି ତଥା ବିଜେଡି ବିଧାୟକ ପ୍ରାର୍ଥୀଙ୍କ ପୁଅ, ବିନିକା ବ୍ଲକର ପୂର୍ବତନ ବ୍ଲକ ଅଧ୍ୟକ୍ଷ ତଥା ବର୍ତ୍ତମାନର ଜିଲ୍ଲା ଯୁବ ବିଜେଡି ସଭାପତି ଅଶୋକ ନନ୍ଦଙ୍କ ସହ ଅଞ୍ଚଳର ଶତାଧିକ ବିଜେଡି କର୍ମୀ ସାମିଲ ହୋଇଥିଲେ l ଆଗାମୀ ଦିନରେ ଆସୁଥିବା ସାଧାରଣ ନିର୍ବାଚନରେ ପୁଣି ବହୁ ଭୋଟରେ ବିଧାୟକ ଏବଂ ସାଂସଦ ବିଜୟୀ ହେବୁ ବୋଲି କହିଛନ୍ତି ବିଜେଡି ବିଧାୟକ ପ୍ରାର୍ଥୀ ପଦ୍ମନାଭ ବେହେରା l