ଆଜି ସରିବ ବିଜେଡିର ମହାନଦୀ ସୁରକ୍ଷା ଅଭିଯାନ । ଝାରସୁଗୁଡ଼ାରୁ ଆରମ୍ଭ ହୋଇଥିବା ଏହି ଅଭିଯାନ ଆଜି ପାରାଦୀପରେ ସରୁଛି । ପଶ୍ଚିମ ଓଡ଼ିଶାରୁ ଆରମ୍ଭ ହୋଇଥିବା ମହାନଦୀ ସୁରକ୍ଷା ଯାତ୍ରା, ଆଜି ଉପକୂଳ ଓଡ଼ିଶାରେ ଉଦଯାପିତ ହେବ । ବିଭିନ୍ନ ସଙ୍ଗଠନ ରାଲିରେ ବ।ହାରିଛନ୍ତି । ମୂଳ ପକାଇଥିବା ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପାରାଦୀପରେ ମୁଣ୍ଡି ମାରିବେ । ଯେଉଁଠି ବିଜେଡି ଏକ ରକମ ଶକ୍ତି ପ୍ରଦର୍ଶନ କରିବ । ଏଥିପାଇଁ ପାରାଦୀପ ସମୁଦ୍ର ବେଳାଭୂମିରେ ବିଜୁ ମଇଦାନରେ ବିଶାଳ ସମାବେଶ ହେବ । ଯେଉଁଥିରେ ପ୍ରାୟ ଏକ ଲକ୍ଷ ଲୋକ ସମାବେଶ ହେବାର କାର୍ଯ୍ୟକ୍ରମ ରହିଛି । ଶାନ୍ତି ଶୃଙ୍ଖଳା ରକ୍ଷା କରିବା ପାଇଁ ୧୪ ପ୍ଲାଟୁନ ପୋଲିସ ଫୋର୍ସ ମୁତୟନ ହୋଇଛନ୍ତି । ୫୦ରୁ ଅଧିକ ପୋଲିସ ଅଧିକାରୀ ସୁରକ୍ଷା ବ୍ୟବସ୍ଥାକୁ ତଦାରଖ କରୁଛନ୍ତି । ଜିଲ୍ଲାପାଳ ଓ ଅନ୍ୟ ଅଧିକାରୀ ମାନେ ବିଭିନ୍ନ ବ୍ୟବସ୍ଥାର ତଦାରଖ କରୁଛନ୍ତି । ମୁଖ୍ୟମନ୍ତ୍ରୀ ୧୧ ଟା ବେଳେ ପାରାଦୀପ ମେରାଇନ ଡ୍ରାଇଭ ଷଣ୍ଢକୁଦରେ ହେଲିକପ୍ଟର ଯୋଗେ ଅବତରଣ କରିବେ । ଏହା ପରେ ମହାନଦୀ ସୁରକ୍ଷା ସମାବେଶରେ ଯୋଗ ଦେଇ ସାଧାରଣ ଲୋକଙ୍କୁ ଉଦବୋଧନ ଦେବାର କାର୍ଯ୍ୟକ୍ରମ ରହିଛି ।