Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୂମିକମ୍ପରେ ଥରିଲା ହିମାଚଳ ପ୍ରଦେଶ, ରିକ୍ଟର ସ୍କେଲରେ ତୀବ୍ରତା ୨.୫
  • ||
  • ଅବପାତର ରୂପ ନେଲା ଲଘୁଚାପ, ସୋମବାରଠୁ କମିବ ବର୍ଷା
  • ||
  • ସ୍ୱାଧିନତା ଦିବସ ଅବସରରେ ସମସ୍ତଙ୍କୁ ମୋର ଆନ୍ତରିକ ଶୁଭେଚ୍ଛା, ପ୍ରତିଟି ଭାରତୀୟ ପାଇଁ ଗୌରବର ମୁହୂର୍ତ୍ତ
  • ||
  • ‘ଦୁନିଆରେ ହଜାରେ ବାଘ, କିନ୍ତୁ ଦ୍ରାବିଡ…’ : ଟିମ୍ ଇଣ୍ଡିଆର କୋଚ୍‌ଙ୍କୁ ନେଇ ଟେଲରଙ୍କ ବଡ ବୟାନ
  • ||

ପେଟ୍ରୋଲ୍ ପମ୍ପ୍ ମାଲିକଙ୍କ ଟଙ୍କା କାରବାର ନେଇ ସିଇଓଙ୍କୁ ଫେରାଦ ହେଲା ବିଜେଡି

28/03/2019 at 9:33 AM

ଭୁବନେଶ୍ବର ୨୮|୩ : ବରଗଡ଼ ଜିଲ୍ଲାର ମେଲଛାମୁଣ୍ଡା ଥାନା ଅନ୍ତର୍ଗତ ଗୁଡରପାଲିଠାରେ ଗତକାଲି ଏକ କାରରୁ ଜବତ ହୋଇଥିବା ୨ ଲକ୍ଷ ନଗଦ ଟଙ୍କା ଜବତ ହୋଇଥିଲା । ଜବତ କାର୍ ଜଣେ  ପେଟ୍ରୋଲ୍  ପମ୍ପ୍  ମାଲିକଙ୍କର ବୋଲି ସୂଚନା ମିଳିଥିଲା । ସଂମୃକ୍ତ ପେଟ୍ରୋଲ ପମ୍ପ୍ ମାଲିକ ସଞ୍ଜୀବ ମହାପାତ୍ର ବିଜେପୁରର  ବିଜେପି  ପ୍ରାର୍ଥୀ  ସନତ ଗଡ଼ତିଆଙ୍କ  ସମର୍ଥକ ଭାବେ ଜଣାଶୁଣା ।  ପୋଲିସ ହାତରେ  ଧରାପଡ଼ିବା  ପରେ  ତାଙ୍କ  ପାଖରେ  ଏତେ  ଟଙ୍କା  କାହିଁକି  ରଖିଥିଲେ ତାହାର  ଜବାବ  ଦେଇପାରିନଥିଲେ ସଞ୍ଜୀବ ।  ତେବେ ତାହା  ବିଜେପୁର  ବିଜେପି  ପ୍ରାର୍ଥୀଙ୍କ  ପ୍ରଚାର  ପାଇଁ  ଆସୁଥିଲା ବୋଲି ଅନୁମାନ କରାଯାଉଥିଲା । 

ତେଣୁ ନିର୍ବାଚନ  ବେଳେ  ପେଟ୍ରୋଲ୍  ପମ୍ପ ମାଲିକମାନେ ଟଙ୍କା ଗଚ୍ଛିତ କରି ଲୋକଙ୍କୁ ବାଣ୍ଟିବା ଦାୟିତ୍ବ ନେଇଥିବା ନେଇ ପୂର୍ବରୁ ବିଜୁ ଜନତା ଦଳ ନିର୍ବାଚନ କମିଶନଙ୍କୁ ଜଣାଇଥିଲା ।  ଟଙ୍କା ଜବତ ହେବା ପରେ ମୁଖ୍ୟ  ନିର୍ବାଚନ  ଅଧିକାରୀଙ୍କୁ  ଭେଟି ଫେରାଦ ହୋଇଥିଲା ବିଜେଡି ।

ଗତ ୧୪ ତାରିଖରେ ନିର୍ବାଚନ ଅଧିକାରୀଙ୍କୁ ଏ ନେଇ ପିଟିସନ୍ ଦିଆଯାଇଥିଲା । ନିର୍ବାଚନ ପାଇଁ ଟଙ୍କା ଗଚ୍ଛିତ କରି ରଖିବାର ଦାୟିତ୍ବ ପେଟ୍ରୋଲ୍ ପମ୍ପ୍ ଓ ଗ୍ୟାସ୍ ଏଜେନ୍ସୀ ମାଲିକମାନଙ୍କୁ ଦିଆଯାଇଛି ଏବଂ କେନ୍ଦ୍ର ପେଟ୍ରୋଲିୟମ୍ ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ  ନିର୍ଦ୍ଦେଶରେ  ଏହି  ଯୋଜନା  କରାଯାଇଥିବା  ଜଣାଇ  ଦିଆଯାଇଥିଲା ବିଜେଡି । ଫଳରେ  ପେଟ୍ରୋଲ୍  ପମ୍ପ୍  ଏବଂ  ଗ୍ୟାସ୍ ଏଜେନ୍ସୀଗୁଡ଼ିକ  ଉପରେ  ଭିଡ଼ିଓ  ନିରୀକ୍ଷଣ  ବ୍ୟବସ୍ଥା  ରଖିବା  ପାଇଁ  ଅନୁରୋଧ  କରାଯାଇଥିଲା ।  ବିଜେପୁର  ଉପନିର୍ବାଚନ ବେଳେ ଏଭଳି ହୋଇଥିବାରୁ ବିଜେଡ଼ିର ଏହି ଆଶଙ୍କା ଦୃଢ଼ୀଭୂତ ହୋଇଥିଲା । ଗତକାଲି ଗୁଡରପାଲି ଘଟଣା ପରେ ନିର୍ବାଚନ କମିଶନ ଏ ଦିଗରେ ତ୍ବରିତ ପଦକ୍ଷେପ ନେବାକୁ ପୁଣି ଥରେ ଅନୁରୋଧ କରାଯାଇଛି । ସମସ୍ତ ପେଟ୍ରୋଲ୍ ପମ୍ପ ଏବଂ ଗ୍ୟାସ୍ ଏଜେନ୍ସୀଗୁଡ଼ିକରେ  ୨୪  ଘଣ୍ଟିଆ ଲାଇଭ୍  ସିସିଟିଭି  ଭିଡ଼ିଓ  ଫୁଟେଜ୍  ବ୍ୟବସ୍ଥା  କରାଯାଇ  ଏହାର ରେକର୍ଡିଂ  ମୁଖ୍ୟ  ନିର୍ବାଚନ ଅଧିକାରୀଙ୍କ ପାଖରେ ଉପଲବ୍ଧ କରିବାକୁ ବିଜେଡ଼ି ପକ୍ଷରୁ ଦାବି କରାଯାଇଛି । ମୁଖ୍ୟ  ନିର୍ବାଚନ  ଅଧିକାରୀଙ୍କୁ ଭେଟିଥିଲେ ଅସୀମ  ଅମିତାଭ  ଦାସ, ସସ୍ମିତ ପାତ୍ର, ଲେଲିନ୍ ମହାନ୍ତି, ସୁଲୋଚନା ଦାସ ଏବଂ ସୁଲତା ଦେଓ ।

   Related Posts