ତେହେରାନ୍ ୦୭/୧୦ : ଇରାନର ନୂଆ ଟିଭି ସେନ୍ସରସିପ୍ ରେ ଏକ ନିୟମ ଲାଗୁ କରିଛି । ଯେଉଁଥିରେ ଏକ ଅଜବ ପ୍ରକାରର ନିର୍ଦ୍ଦେଶ ଦିଆଯାଇଛି। ଯେଉଁଥିରେ ନୂତନ ସେନ୍ସର ଅଧୀନରେ ମହିଳାମାନଙ୍କୁ ଟିଭିରେ ପିଜା ଖାଇବା ଏବଂ ଲେଦର ଗ୍ଲୋଭସ୍ ପିନ୍ଧିବାକୁ ବାରଣ କରାଯାଇଛି। ଏହା ବ୍ୟତୀତ କର୍ମକ୍ଷେତ୍ର ସହ ଜଡିତ କିଛି ଦୃଶ୍ୟରେ ପୁରୁଷମାନେ ମହିଳାମାନଙ୍କୁ ଚା ’ପରିବେଷଣ କରିବା ସମୟରେ ମଧ୍ୟ ସେମାନଙ୍କୁ ନ ଦେଖାଇବାକୁ ଚେତାବନୀ ଦିଆଯାଇଛି।
ତେବେ ସୂଚନା ଅନୁଯାୟୀ କୁହାଯାଇଛି କି ମହିଳାମାନଙ୍କୁ କୌଣସି ନାଲି ରଙ୍ଗର ପାନୀୟ ପିଇବା ପରଦାରେ ଦେଖାଯିବା ନାହିଁ। ଏହା ବ୍ୟତୀତ ସାଣ୍ଡୱିଚ୍ ମଧ୍ୟ ଏହି ତାଲିକାରେ ସାମିଲ୍ ରହିଛି । ଏହା ସହିତ, ଘରେ ପୁରୁଷ ଏବଂ ମହିଳାଙ୍କୁ ଦେଖାଉଥିବା କୌଣସି ଫୁଟେଜ୍ କିମ୍ବା ଫଟୋଗ୍ରାଫ୍ ପ୍ରସାରଣ କରିବା ପୂର୍ବରୁ IRIB ଦ୍ୱାରା ଅନୁମତି ପାଇବା ଆବଶ୍ୟକ
ଏହା ବ୍ୟତୀତ ଆଉ ଏକ ରିପୋର୍ଟରେ ଦର୍ଶାଯାଇଛି ଯେ, ସରକାରୀ ଅଧିକାରୀମାନେ ନିକଟରେ ହୋଇଥିବା ଅଡିଟ୍ ପରେ ପ୍ରସାରଣକାରୀ ଏବଂ ଚଳଚ୍ଚିତ୍ର ନିର୍ମାତାମାନଙ୍କୁ ନୂତନ ନିର୍ଦ୍ଦେଶନାମା ଜାରି କରିଛନ୍ତି। ତେହେରାନରେ ପ୍ରତିବନ୍ଧକ ସାମ୍ନା ନକରିବା ପାଇଁ କିଛି ଇରାନର ଷ୍ଟ୍ରିମିଂ ସାଇଟ୍ ତା’ପରେ ସେନ୍ସର କରିବ । ଇରାନର ହୋମ ଥିଏଟର ଏବଂ ଷ୍ଟ୍ରିମିଂ ପ୍ଲାଟଫର୍ମର ଲାଇସେନ୍ସ ତଥା ତଦାରଖ ଦାୟିତ୍ବରେ ଆଇଆରଆଇବି ସତରା ନାମକ ଏକ ସହାୟକ କମ୍ପାନୀ ନିଯୁକ୍ତ କରିଛି।
ଏହା ପରେ ଇରାନର ଟକ୍ ସୋ ପିଶୁଗ୍ ନିଜର ନୂଆ ଏପିସୋଡ୍ରେ ଅତିଥି ଅଭିନେତ୍ରୀ ଏଲନାଜ ହବିବି ଉପସ୍ଥାପିକା ପେଜମାନ ଜାମସେଡିଙ୍କ ସହ କଥାବାର୍ତ୍ତା କରିବାକୁ ଆସିଥିଲେ, କିନ୍ତୁ ସେଥିରେ କେବଳ ତାଙ୍କ ସ୍ୱର ଶୁଣିବାକୁ ମିଳିଥିଲା ଏବଂ ଏପିସୋଡରେ ତାଙ୍କ ଚେହେରା ଦେଖାଯାଇ ନଥିଲା। ଦର୍ଶକମାନେ ମଧ୍ୟ ଏଥିରେ ଆଶ୍ଚର୍ଯ୍ୟ ହୋଇଯାଇଥିଲେ ଏବଂ ଭେଟେରାନ ଅଭିନେତା ଅମିନ ତରୋଖ ଇନଷ୍ଟାଗ୍ରାମରେ ନିଜର ଅସନ୍ତୋଷ ଏବଂ ଦୁଃଖ ପ୍ରକାଶ କରିଥିଲେ। ସେ କହିଛନ୍ତି ଯେ ଯଦି ଆଙ୍କର୍ ଆରମ୍ଭରେ ଏହା ଉଲ୍ଲେଖ କରିନଥାନ୍ତେ, ତେବେ କେଉଁ କଳାକାରଙ୍କ ସହ କଥାବାର୍ତ୍ତା ହେଉଛି ତାହା ଆମେ ଜାଣି ନଥାନ୍ତୁ।