ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର: କୋର୍ଟରେ ଜଜ୍‌ଙ୍କୁ ଛୁରାମାଡ ଉଦ୍ୟମ, କାବୁ କଲା ପୋଲିସ
  • ||
  • ଭୁବନେଶ୍ୱର: ICMRର ପରାମର୍ଶ, ସାମାନ୍ୟ ଜ୍ୱର ହେଲେ ଖାଅନି ଆଣ୍ଟିବାୟୋଟିକ୍
  • ||
  • ଶିକ୍ଷକ ନିଯୁକ୍ତି ପ୍ରସଙ୍ଗରେ ଗୃହରେ ହଙ୍ଗାମା, ଗୃହ ମୁଲତବୀ କଲେ ବାଚସ୍ପତି
  • ||
  • ପଦ୍ମପୁରରେ କେନ୍ଦ୍ରୀୟ ଟିମ୍‌ର ରେଡ୍, ୩ ବ୍ୟବସାୟୀଙ୍କ ଘରେ ଚଢାଉ
  • ||

‘ଭୁଲ୍ ଟିମ୍ ଚୟନ ହୋଇଥିଲା’, WTC ଫାଇନାଲ୍ ହାରିବା ପରେ କୋହଲି ଓ ଶାସ୍ତ୍ରୀଙ୍କ ଉପରେ ବର୍ଷିଲେ ପୂର୍ବତନ ଚୟନକର୍ତ୍ତା

25/06/2021 at 11:13 AM

ନୂଆଦିଲ୍ଲୀ, ୨୫/୦୬: ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲରେ ଭାରତ ପରାସ୍ତ ହୋଇଛି । ସାଉଥମ୍ପଟନରେ ଖେଳାଯାଇଥିବା ଏହି ମୁକାବିଲାରେ ନ୍ୟୁଜିଲାଣ୍ଡ ବିରାଟ ବାହିନୀକୁ ୮ ଓ୍ୱିକେଟରେ ପରାସ୍ତ କରିଥିଲା । ଏହି ପରାଜୟ ପରେ ବାରତର ଚୁଡାନ୍ତ ଏକାଦଶକୁ ନେଇ ବିବାଦ ଆରମ୍ଭ ହୋଇଯାଇଛି । ଦଳ ଦୁଇଜଣ ସ୍ପିନରଙ୍କୁ ନେଇ ପଡିଆକୁ ଓହ୍ଲାଇଥିଲା । ଏହାକୁ ନେଇ ମ୍ୟାନେଜମେଣ୍ଟ ସମାଲୋଚନାର ଶିକାର ହେଉଛି । ଦଳର ପୂର୍ବତନ ଚୟନକର୍ତ୍ତା ସରନଦୀପ ସିଂ ଏଥିପାଇଁ  ଅଧିନାୟକ ବିରାଟ କୋହଲି ଓ କୋଚ୍ ରବି ଶାସ୍ତ୍ରୀଙ୍କୁ ଦାୟୀ କରିଛନ୍ତି।

ସରନଦୀପ ୨୦୧୭ରୁ ୨୦୨୦ ଯାଏଁ ଭାରତୀୟ ଦଳରେ ଚୟନକର୍ତ୍ତା ରହିଥିଲେ । ଏହାସହ ସେ ସେହି ଚୟନକର୍ତ୍ତାଙ୍କ ଟିମ୍‌ରେ ସାମିଲ ଥିଲେ ଯେଉଁ ଟିମ୍ ଇଂଲଣ୍ଡ ଯାତ୍ରା କରିଥିଲା ।

ସରନଦୀପ କହିଛନ୍ତି ଯେ, ଚୁଡାନ୍ତ ଏକାଦଶରେ କିଏ ସାମିଲ ହେବ ତାହାର ଦାୟିତ୍ୱ ଅଧିନାୟକଙ୍କର ଅଟେ । ଶର୍ଦ୍ଦୁଳ ଠାକୁରଙ୍କୁ ଅନ୍ତିମ ୧୫ରୁ ବାଦ୍ ଦେବା ଠିକ୍ ନଥିଲା । ଶର୍ଦ୍ଦୁଳ ଚୁଡାନ୍ତ ଏକାଦଶରେ ସାମିଲ ହୋଇଥିଲେ ଭଲ ହୋଇଥାନ୍ତା । କାରଣ ସେ ଅଷ୍ଟ୍ରେଲିଆରେ ଭଲ ପ୍ରଦର୍ଶନ କରିଥିଲେ । ସେ କେବେହେଲେ ସୁଯୋଗ ହାତଛଡା କରି ନାହାଁନ୍ତି ।

ସୂଚନାଯୋଗ୍ୟ, ବିଶ୍ୱ ଟେଷ୍ଟ ଚାମ୍ପିଅନସିପରେ ଭାରତର ଟିମ୍ କମ୍ବିନେସନ୍ ଠିକ୍ ନଥିଲା । ଦଳର ପ୍ରଦର୍ଶନକୁ ନେଇ ପ୍ରଶଂସକମାନେ ମଧ୍ୟ ଅସନ୍ତୁଷ୍ଟ ଅଛନ୍ତି । ଭାରତ ଖେଳର ପରିସ୍ଥିତିକୁ ଦେଖି ଦୁଇ ଜଣ ସ୍ପିନରଙ୍କୁ ଖେଳାଇଥିଲା । କିନ୍ତୁ ନ୍ୟୁଜିଲାଣ୍ଡ ୫ ଦ୍ରୁତ ବୋଲରଙ୍କୁ ଖେଳାଇଥିବା ବେଳେ ଏକମାତ୍ର ସ୍ପିନର ଏଜାଜ୍ ପଟେଲଙ୍କୁ ବସାଇ ଦେଇଥିଲା ।

   Related Posts