ମୁମ୍ବାଇ ୨୮/୦୯: ଆସାମର ବିନୀତା ଜୈନ୍ ସୋନି ଟିଭିରେ ପ୍ରସାରିତ ଲୋକପ୍ରିୟ ଟିଭି ସୋ’ କୈାନ୍ ବନେଗା କରୋଡ଼ପତି(କେବିସି)ର ସିଜନ୍-୧୦ର ପ୍ରଥମ କୋଟିପତି ହେବାର ସୈାଭାଗ୍ୟଲାଭ କରିଛନ୍ତି। ସୋନି ଟିଭି ପକ୍ଷରୁ ଟ୍ବିଟରରେ ଏ ସମ୍ପର୍କରେ ଏକ ପ୍ରମୋ ସେୟାର କରାଯାଇଛି। ବିନୀତା ଏକ କୋଟି ଜିତୁଥିବାର ଏପିସୋଡକୁ ଅକ୍ଟୋବର ୨ ତାରିଖରେ ପ୍ରସାରଣ କରାଯିବ। ତେବେ ଦୁଇଟି ସନ୍ତାନର ଜନନୀ ବିନୀତା ୭କୋଟି ଜିତିପାରୁଛନ୍ତି କି ନାହିଁ ତା’ ଉପରେ ସମସ୍ତଙ୍କର ଲକ୍ଷ୍ୟ ରହିଛି। ସୂଚନାଥାଉକି, ସେପ୍ଟେମ୍ବର ୪ତାରିଖରୁ କେବିସି-୧୦ର ପ୍ରସାରଣ ଆରମ୍ଭ ହୋଇଛି। ସେବେଠାରୁ ମାତ୍ର ୨ଜଣ ପ୍ରତିଯୋଗୀ ୨୫ଲକ୍ଷ ଟଙ୍କା ଲେଖାଏଁ ଜିତିବାରେ ସଫଳ ହୋଇଛନ୍ତି।