ନୂଆଦିଲ୍ଲୀ ୧୧।୦୭: ରାତାରାତି ବଦଳିଗଲା ଗାଁ ଲୋକଙ୍କ ଭାଗ୍ୟ । ପ୍ରତି ପରିବାରକୁ ମିଳିଲା ୫୮ ଲକ୍ଷ ଟଙ୍କା । ଏହି ଘଟଣା ଘଟିଛି ସାଉଥ୍ କୋରିଆର ଏକ ଗାଁରେ । ଗାଁର ନାଁ ହେଉଛି ଅନପ୍ୟୋଙ୍ଗ-ରି । ବାସ୍ତବରେ ଜଣେ ଜଣାଶୁଣା ବିଜନେସମ୍ୟାନ୍ ଏହି ଟଙ୍କା ନିଜ ଗାଁ ଲୋକଙ୍କୁ ବାଣ୍ଟିଛନ୍ତି । କାରଣ ପିଲାଦିନେ ଦାରିଦ୍ର୍ୟ ଭିତରେ ଗତି କରିଥିବା ବେଳେ ତାଙ୍କୁ ସହଯୋଗ କରିଥିଲେ ଗାଁ ଲୋକେ । ଏବେ ନିଜର ପରିଶ୍ରମ ଓ ଭାଗ୍ୟ ବଳରେ ସେ ବିଶ୍ୱର ଜଣେ ଆଗଧାଡିର ବିଜନେସମ୍ୟାନ ।

ବ୍ୟବସାୟୀ ଜଣକ ହେଉଛନ୍ତି ଦକ୍ଷିଣ କୋରିଆର ପ୍ରପର୍ଟି ଡେଭଲପର ବୁୟଙ୍ଗ୍ ଗ୍ରୁପର ପ୍ରତିଷ୍ଠାତା ଲି ଜଙ୍ଗ କ୍ୟୁନ୍ । ୮୨ ବର୍ଷିୟ ଲି ଜଙ୍ଗ କ୍ୟୁନ୍ ସାଉଥ୍ କୋରିଆର ସନଚିଓନ୍ ସିଟି ନିକଟ ଅନପୟୋଙ୍ଗ- ରି ଗାଁର ବାସିନ୍ଦା । ପିଲାଦିନେ ଜଙ୍ଗ କ୍ୟୁନ୍ ଅତି ଖରାପ ସମୟ ଦେଇ ଗତି କରୁଥିଲେ । ଏହି ସମୟରେ ଗାଁ ଲୋକେ ତାଙ୍କୁ ସାହାଯ୍ୟ କରିଥିଲେ । ଲୋକଙ୍କ ଦାନ ଅର୍ଥରେ ପାଠ ପଢି ହୋଇଛନ୍ତି ବ୍ୟବସାୟୀ ।

 ଏବେ ଗାଁ ଲୋକଙ୍କୁ ମନେ ପକାଇଛନ୍ତି ଜଙ୍ଗ କ୍ୟୁନ୍ । ସେ ପ୍ରତି ପରିବାରକୁ ଦାନ କରିଛନ୍ତି ୫୮ ଲକ୍ଷ ଲେଖାଏଁ ଟଙ୍କା । ରିପୋର୍ଟ ମୁତାବକ ଏହି ଗାଁରେ ୨୮୦ ପରିବାର ରୁହନ୍ତି । ଆଉ ମୋଟ ୨୮୦ ପରିବାରକୁ ପାଖାପାଖି ୧୬୦୦ କୋଟିରୁ ଅଧିକ ଦାନ ଦେଇଛନ୍ତି ଲି ଜଙ୍ଗ କ୍ୟୁନ୍ । ଆଜିକା ଦିନରେ ଲି – ଜଙ୍ଗ କ୍ୟୁନଙ୍କ ମୋଟ ସମ୍ପତ୍ତି ଦେଢ ଲକ୍ଷ କୋଟିରୁ ଅଧିକ । ସେ ଦକ୍ଷିଣ କୋରିଆର ସର୍ବଶ୍ରେଷ୍ଠ ଧନୀ ।

You Can Read: