କେନ୍ଦୁଝର ୩।୩: କେନ୍ଦୁଝରରେ ଟ୍ରକ୍ ଚାପାରେ ଜଣେ ମୋଟର ସାଇକେଲ ଆରୋହୀଙ୍କ ମୃତ୍ୟୁ ହୋଇଛି । ମୃତକ ହଲେ ପାଟଣା ବ୍ଲକ୍ ଚାକୁଣ୍ଡାପାଲ ଗ୍ରାମର ପ୍ରଫୁଲ ଚନ୍ଦ୍ର ନାଏକ । ଗତକାଲି ବିଳମ୍ବିତ ରାତିରେ ଘଟିଛି ଦୁର୍ଘଟଣା ।

ପ୍ରଫୁଲ ଗତକାଲି ଜେଲ୍ ରୋଡ୍ ସ୍ଥିତ ଅଫିସରୁ ରାତିରେ ବୃନ୍ଦାବନ ବିହାର ସ୍ଥିତ ନିଜ ୪୯ ନମ୍ବର ଜାତୀୟ ରାଜପଥରେ ଘରକୁ ବୁଲେଟରେ ଫେରୁଥିବା ସମୟରେ ଏକ ଟ୍ରକ୍ ତାଙ୍କୁ ପଛ ପଟୁ ଧକ୍କା ଦେଇଥିଲା । ସେ ତଳେ ପଡିଯିବା ପରେ ଟ୍ରକର ପଛଚକା ଦୁଇଟି ତାଙ୍କ ପେଟ ଉପରେ ଚଢି ଯାଇଥିଲା ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଛି । ଘଟଣାସ୍ଥଳରେ ପୋଲିସ ପହଞ୍ଚି ଶବକୁ ବ୍ୟବଚ୍ଛେଦ ପାଇଁ ପଠାଇବା ସହ ଟ୍ରକକୁ ଜବତ କରି ତଦନ୍ତ ଆରମ୍ଭ କରିଛି ।