ଧର୍ମଗଡ ୧୭।୨: କଳାହାଣ୍ଡି ଜିଲ୍ଲା ଜୟପାଟଣା ଥାନା ଅନ୍ତର୍ଗତ ଗୁନଗୁନିଆ ନିକଟରେ ବାଇକ୍ ଓ ହାଇୱା ମୁହାଁମୁହିଁ ଧକ୍କା ହୋଇଛି । ଦୁର୍ଘଟଣା ଫଳରେ ବାଇକ ଆରୋହୀଙ୍କ ଘଟଣାସ୍ଥଳରେ ମୃତ୍ୟୁ ହୋଇଛି । ଘଟଣାସ୍ଥଳରେ ଜୟପାଟଣା ପୋଲିସ ପହଞ୍ଚି ଶବ ଜବତ କରି ତଦନ୍ତ ଜାରି ରଖିଛି ।
ସୂଚନାଯୋଗ୍ୟ ଯେ, କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ ଅନ୍ତର୍ଗତ ଛିଲପା ଗ୍ରାମର ଦେବେନ୍ଦ୍ର ରଣା ନାମକ ଜଣେ ଯୁବକ ବାଣ୍ଡିଗାଁରେ ଥିବା ନିଜ ସମ୍ପର୍କୀୟଙ୍କ ଘରକୁ ଆସିଥିଲେ । ତେବେ ବୁଧବାର ସକାଳେ ଫେରୁଥିବା ବେଳେ ଦୁର୍ଘଟଣା ଘଟିଛି । ଗୁନୁଗୁନିଆ ନିକଟରେ ଧର୍ମଗଡ଼ ପଟୁ ଆସୁଥିବା ଏକ ହାଇୱା ତାଙ୍କୁ ପଛ ଚକା ତଳେ ଚାପି ଦେଇଥିଲା । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି । କ୍ଷତିପୂରଣ ଦାବିରେ ପରିବାର ତରଫରୁ ମୋଟେର-ଜୟପାଟଣା ରାସ୍ତା ଅବରୋଧ କରାଯାଇଛି ।