ଦବଗଡ ୯।୯: ଦେବଗଡ ୪୯ ନମ୍ବର  ଜାତୀୟ ରାଜପଥ ବାଇପାସ୍ ଛକରେ ଟ୍ରକ୍ ଧକ୍କାରେ ଜଣେ ବାଇକ୍ ଆରୋହୀଙ୍କ ମୃତ୍ୟୁ ଘଟିଛି । ମୃତ ବାଇକ୍ ଆରୋହୀ ଜଣଙ୍କ ହେଲେ ଦେବଗଡ କଲେଜର ଛାତ୍ର ମୃତ୍ୟୁଞ୍ଜୟ ସିଂହ । ମୃତ ଛାତ୍ର ଜଣଙ୍କ ନିଜ ଘର ଦେବଗଡ ପୌରାଞ୍ଚଳ ଅନ୍ତର୍ଗତ ମୋହିନୀପୁରକୁ ଫେରିବା ସମୟରେ ଦେବଗଡ ବାଇପାସ୍‌ରେ ଥିବା ଓଭରବ୍ରିଜ ରିଆମାଳ ଛକରେ ଟ୍ରକଟି ଆସି ତାଙ୍କୁ ଚାପି ଦେଇଥିଲା । ଫଳରେ ଘଟଣାସ୍ଥଳରେ ବାଇକ୍ ଆରୋହୀଙ୍କ ମୃତ୍ୟୁ ଘଟିଥିଲା ।

ଖବର ପାଇ ଦେବଗଡ ଆଦର୍ଶ ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିବା ସହ  ଦୁର୍ଘଟଣାଗ୍ରସ୍ତ ଟ୍ରକ୍ ଓ ବାଇକ୍‌କୁ ଜବତ କରିଛନ୍ତି । ଦୁର୍ଘଟଣା ଘଟାଇଥିବା ଟ୍ରକ୍ ଡ୍ରାଇଭରଙ୍କୁ ପୋଲିସ ଅଟକ ରଖିଥିବା ବେଳେ ମୃତଦେହ ବ୍ୟବଚ୍ଛେଦ ପାଇଁ ପଠାଇଛନ୍ତି ।

You Can Read :