ଚାନ୍ଦବାଲି, ୧୯/୦୬ : ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ମାଧପୁରରେ ମୋଟର୍ ସାଇକେଲ ସାଇଡ୍ ମରାକୁ ନେଇ ଗୋଷ୍ଠୀ ସଂଘର୍ଷ । ଗାଁରେ ବୁଲିଲା ଖଣ୍ଡା ,ଭୁଜାଲି ଓ ଲାଠି । ଏହାସହ ୫ ଜଣ ଗୁରୁତର ହୋଇଛନ୍ତି ।
ଏହି ଗୋଷ୍ଠୀ ସଂଘର୍ଷ ଏତେ ଉଗ୍ର ରୂପ ଧାରଣ କଲା ଯେ ଏଥିରେ ୪ ଖଣ୍ଡ ଗାଁ ମିଳିତ ହୋଇ ପ୍ରତିପକ୍ଷ ଉପରେ ଆକ୍ରମଣ କରିଥିଲେ । ମାଡ଼ ଖାଇ ଗୁରୁତର ହୋଇଥିବା ଯୁବକମାନେ ମାଧପୁର ପଞ୍ଚାୟତ କୃଷ୍ଣପୁର ଗାଁ ଓ ଭଇଁବୃତି ପଞ୍ଚାୟତର ଗରିପୁର ଗାଁର ଅଟନ୍ତି। ଏହି ସଂଘର୍ଷରେ ମାଧପୁର ପଞ୍ଚାୟତର କରାଣ୍ଡିମାଳ ଓ ରାମଶ୍ବରପୁର ଗାଁ ଲୋକମାନେ ଏକଜୁଟ ହୋଇ ଆକ୍ରମଣ କରିଥିଲେ ।
ଗୁରୁତର ହୋଇଥିବା ୫ଜଣଙ୍କୁ ପ୍ରଥମେ ଚାନ୍ଦବାଲି ପରେ ଭଦ୍ରକ ସ୍ଥାନାନ୍ତର କରାଯାଇଥିଲା । ସ୍ଥିତି ନିୟନ୍ତ୍ରଣ ପାଇଁ ଗାଁରେ ପୋଲିସ ମୁତୟନ ହେବା ସହ ଲୋକଙ୍କୁ ବୁଝାସୁଝା କରାଯାଉଛି ।