ସାନଖେମୁଣ୍ଡି, ୨୧/୦୮: ଗଞ୍ଜାମ ଜିଲ୍ଲା ଆସିକା ହରର ବଜାର ସାହିର ମୁଖ୍ୟ ସଡକ ଉପରେ ବାଇକ୍‌ରେ ନିଆଁ ଲଗାଇଲେ ଯୁବକ । ଜଣେ ଯୁବକ ଆଇନଜୀବୀଙ୍କ ମୋଟରସାଇକେଲରେ ନିଆଁ ଲଗାଇ ଦେଇଥିବା ଜଣାପଡ଼ିଛି  । ଯୁବକ ଜଣକ ମୋଟରସାଇକେଲରେ ନିଆଁ ଲଗାଇ ଦେଇ ଫେରାର ହୋଇଯାଇଥିବା ବେଳେ କାରଣ ଅସ୍ପଷ୍ଟ ରହିଛି । ଉକ୍ତ ଆଇନଜୀବୀ ଜଣକ ଆସିକା ଥାନାରେ ଏନେଇ ଏତଲା ଦେଇଥିବା ବେଳେ ଦମକଳ ବାହିନୀ ପହଞ୍ଚି ନିଆଁକୁ ଲିଭାଇଥିଲା । ତେବେ ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଥିବା ସୂଚନା ମିଳିଛି ।