ଭୁବନେଶ୍ୱର ୦୩।୧୦ : ଭୁବନେଶ୍ୱର ଏଜି ଛକରେ ହିଟ୍‌ ଆଣ୍ଡ ରନ୍‌ ମାମଲା । ଦୁର୍ଘଟଣା ଘଟାଇଥିବା କାର୍‌ ମାଲିକ ଗିରଫ । କାର୍‌ ମାଲିକ ବିକାଶ ପାଲ୍‌ଙ୍କୁ ଗିରଫ କଲା କ୍ୟାପିଟାଲ ଥାନା ପୋଲିସ । ଆଠଗଡ଼ରୁ ଭୁବନେଶ୍ୱର ଫେରୁଥିବା ବେଳେ ଧରିଲା ପୋଲିସ ।

ଖବର ଅନୁଯାୟୀ, ଗତ ୩ ଦିନ ତଳେ ରାଜମହଲ ଛକରେ ବେପାରୁଆ ଭାବେ ଗାଡି ଚଳାଇଥିଲେ ବିକାଶ ପାଲ୍‌ । ଏହି ସମୟରେ ଫୁଟ୍‌ପାଥ୍‌ରେ ଶୋଇଥିବା ଲୋକଙ୍କ ଉପରେ ଚଢିଯାଇଥିଲା । ଯାହାଫଳରେ ଚିକିତ୍ସାଧୀନ ଅବସ୍ଥାରେ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଥିବା ବେଳେ ବାକି ଆଉ ଜଣେ ମେଡିକାଲରେ ଚିକିତ୍ସା ଚାଲିଛି ।

ତେବେ ଦୁର୍ଘଟଣା ପରଠାରୁ ବିକାଶ ଫେରାର ରହିଥିଲେ । ଏପିରିକି କାର୍‌କୁ ଦୟା ନଦୀରେ ଫିଙ୍ଗି ଫେରାର ମାରିଥିଲା ବିକାଶ । ସେବେଠୁ ବିକାଶଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢାଉ କରିଥିଲା ପୋଲିସ । ଶେଷରେ ଆଠଗଡ଼ରୁ ଭୁବନେଶ୍ୱର ଫେରୁଥିବା ବେଳେ ବିକାଶଙ୍କୁ ଧରିଛି ପୋଲିସ ।

Also Read…..