Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୨୮୦ କୋଭିଡ୍ ପଜିଟିଭ୍
  • ||
  • ଗୁରୁବାରଠୁ ରାଜ୍ୟରେ ପ୍ରବଳ ବର୍ଷା, ୧୯ ଓ ୨୦ ପାଇଁ ଜାରି ହେଲେ ୟେଲୋ ଓ୍ୱାର୍ଣ୍ଣିଂ
  • ||
  • ଜଳେଶ୍ୱର: ତ୍ରୀର୍ଥଯାତ୍ରୀ ବସ୍‌କୁ ପିଟିଲା ମାଲବାହୀ ଟ୍ରକ୍, ଜଣେ ମୃତ ଓ ୪ ଗୁରୁତର
  • ||
  • ମୟୁରଭଞ୍ଜ: ଆଇଟିଆଇ କଲେଜରେ ଆଦିବାସୀ ଛାତ୍ରଙ୍କୁ ମାଡ ଘଟଣା, ୧୨ ଘଣ୍ଟିଆ ମୟୁରଭଞ୍ଜ ବନ୍ଦ ଡାକରା
  • ||
  • ବିଜେପିରେ ବଡ ଧରଣର ପରିବର୍ତ୍ତନ, ସଂସଦୀୟ ବୋର୍ଡରୁ ହଟିଲେ ଗଡକରୀ ଓ ଚୌହାନ
  • ||

ସିବିଆଇର ନୂଆ ନିର୍ଦେଶକ ଓଡିଶା କ୍ୟାଡର ଆଇପିଏସ ନାଗେଶ୍ୱର ରାଓଙ୍କ ବିରୋଧରେ ମଧ୍ୟ ବହୁ ଅଭିଯୋଗ ରହିଛି ବୋଲି କହିଲେ ବିଜୟ ମହାପାତ୍ର, ନିରଞ୍ଜନ କଲେ ସମାଲୋଚନା

24/10/2018 at 3:40 PM

ଭୁବନେଶ୍ୱର ୨୪/୧୦ : ସିବିଆଇର ନିର୍ଦେଶକ ଭାବେ ନାଗେଶ୍ବର ରାଓଙ୍କ ନିଯୁକ୍ତି ନେଇ ପ୍ରଶ୍ନ ଉଠାଇଛନ୍ତି ବରିଷ୍ଠ ନେତା ବିଜୟ ମହାପାତ୍ର ଓ ପ୍ରଦେଶ କଂଗ୍ରେସ କମିଟିର ସଭାପତି ନିରଞ୍ଜନ ପଟ୍ଟନାୟକ | ଏଥିସହ ସିବିଆଇର ବିଶ୍ୱସନୀୟତାକୁ ନେଇ ମଧ୍ୟ ଉଭୟ ପ୍ରଶ୍ନ ଉଠାଇଛନ୍ତି | ବିଜୟ ମହାପାତ୍ର କହିଛନ୍ତି ଯେ, ନାଗେଶ୍ବର ରାଓ ଓଡିଶାରେ ଅଗ୍ନିଶମ ବିଭାଗ ଡିଜି ଥିଲେ | ତାଙ୍କ ନାଁରେ ଆଗରୁ ଏଠି ଅଭିଯୋଗ ରହିଛି | ସବୁ IPS ଅଫିସର ଭଲ ଭାବେ ଜାଣିଛନ୍ତି ସେ କଣ | ପୁଣି ଆଗକୁ ଏହି ସମସ୍ୟା ଉପୁଜିବ | ସିବିଆଇ ନିରପେକ୍ଷ ନୁହେଁ ବୋଲି ଆଗରୁ ସେବହୁବାର କହିଥିବା ସୂଚନା ଦେଇଛନ୍ତି | ଏଥିଯୋଗୁଁ ଯେଉଁମାନେ ତାଙ୍କୁ ସମାଲୋଚନା କରୁଥିଲେ ସେମାନେ ଆତ୍ମ ସମୀକ୍ଷା କରନ୍ତୁ ବୋଲି ବିଜୟ ମହାପାତ୍ର କହିଛନ୍ତି | ସିବିଆଇ ଅଫିସରେ ସିବିଆଇ ରେଡ କରିବା ଭାରତ ଇତିହାସରେ ପ୍ରଥମ | ବିଶ୍ବାସନୀୟତା ଓ ଗୌରବ ହାରଇଛି ସିବିଆଇ | ଯେଉଁମାନେ ଶାସନରେ ଅଛନ୍ତି ସେମାନେ ସିବିଆଇକୁ କଳଙ୍କିତ କରିଛନ୍ତି ବୋଲି ବିଜୟ ମହାପାତ୍ର କହିଛନ୍ତି | ବିଜେପିର ଜଣେ ବରିଷ୍ଠ ନେତା ହୋଇ ମଧ୍ୟ ସିବିଆଇକୁ ସମାଲୋଚନା କରିବା ଛଳରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟର ସ୍ୱଚ୍ଛତା ନେଇ ପ୍ରଶ୍ନ ଉଠାଇଛନ୍ତି ବିଜୟ ମହାପାତ୍ର |

ଅପରପକ୍ଷରେ ସିବିଆଇରେ ଚାଲିଥିବା କାର୍ଯ୍ୟକଳାପ ନେଇ ସିବିଆଇକୁ ଏବଂ ଭାରତୀୟ ଜନତା ପାର୍ଟି ସରକାରଙ୍କୁ ତୀବ୍ର ସମାଲୋଚନା କରିଛନ୍ତି ପ୍ରଦେଶ କଂଗ୍ରେସ କମିଟି ଅଧ୍ୟକ୍ଷ ନିରଞ୍ଜନ ପଟ୍ଟନାୟକ | ଓଡିଶାରେ ଅପରାଧିକ ମାମଲାର ଇନଭେସ୍ଟିଗେସନ ପାଇଁ ସିବିଆଇକୁ ମ୍ୟାନେଜ କରାଯାଇଥିଲା ବୋଲି ନିରଞ୍ଜନ ଅଭିଯୋଗ କରିଛନ୍ତି | ଫଳରେ ଚିଟଫଣ୍ଡ ତଦନ୍ତରେ ବଡ ସଫଳତା ମିଳିଲା ନାହିଁ କି ଆଖି ଦୃଶିଆ କାର୍ଯ୍ୟାନୁଷ୍ଠାନ ନିଆଯାଇନାହିଁ | ଏବେ ନାଗେଶ୍ବର ରାଓଙ୍କୁ ଦାୟିତ୍ବ ଦିଆଯାଇଛି | ସେ ସିବିଆଇର ସମ୍ମାନ ରଖୁଛନ୍ତି କି ନାହିଁ ତାହା ଦେଖିବା କଥା ବୋଲି ସେ ନିଜ ପ୍ରତିକ୍ରିୟା ପ୍ରକାଶ କରିଛନ୍ତି |

   Related Posts