ଚୌଦ୍ୱାର ୨୫/୧୦: ବେଆଇନ ବାଲି ଘାଟକୁ ନେଇ ଗୋବିନ୍ଦପୁର ଛକରେ ହୋଇଥିବା ବିଜ୍ଞାନ ଭୁଷଣ ମହାନ୍ତି ହତ୍ୟାକାଣ୍ଡର ୨ ମୁଖ୍ୟ ଅଭିଯୁକ୍ତଙ୍କୁ ଗିରଫ କଲା ଟାଙ୍ଗୀ ପୋଲିସ। ଅଭିଯୁକ୍ତଙ୍କ ପରିଚୟ ସୁସାନ୍ତ ବେହେରା ଓ ଦିପୁଆ ରାଉତ। ସେମାନ ଜରିପଡ଼ା ପଞ୍ଚାୟତର ବାସିନ୍ଦା ବୋଲି ଜଣାପଡ଼ିଛି। ସେମାନଭଙ୍କୁ ଗିରଫ କରିବା ପରେ ପୋଲିସ କୋର୍ଟ ଚାଲାଣ କରିଛି।
ଖବର ଅନୁସାରେ ସୁସାନ୍ତ, ଦିପୁଆ ଓ ୪ ସହଯୋଗି ବୋଲେରୋରେ ଆସି ବିଜ୍ଞାନ ଭୁଷଣ ମହାନ୍ତି ଓ ଦିପକ ବେହେରାଙ୍କୁ ଗୋବିନ୍ଦପୁରରେ ଗୋଟିଏ ଜଳଖିଆ ଦୋକାନରେ ନିର୍ମମ ହତ୍ୟା କରିଥିଲେ। ବିଜ୍ଞାନଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିଲା। ଦୀପକଙ୍କ ସ୍ୱାସ୍ଥ୍ୟାବସ୍ଥା ଏବେ ଗୁରୁତର ଅଛି। ଏହି ହତ୍ୟାକାଣ୍ଡର ଅନ୍ୟ ୪ ଅଭିଯୁକ୍ତ ଏବେ ଫେରାର ଅଛନ୍ତି। ଜରିପଡ଼ା ପଞ୍ଚାୟତ ନାଳିକୂଳରେ ଥିବା ଏକ ବେଆଇନ ବାଲି ଘାଟକୁ ନେଇ ଦୀର୍ଘ ଦିନ ହେବ ୨ ଗୋଷ୍ଠୀ ମଧ୍ୟରେ ବିବାଦ ରହିଥିଲା। ଏହି ଗୋଷ୍ଠୀ ସଂଘର୍ଷ ଉଗ୍ରରୂପ ନେଇ ହତ୍ୟା କାଣ୍ଡର ରୂପ ନେଇଛି ବୋଲି ଚୌଦ୍ୱାର ଏସଡିପିଓ ସତ୍ୟବ୍ରତ ଲେଙ୍କା କହିଛନ୍ତି।
