ନୂଆଦିଲ୍ଲୀ: ଜୁନ ୨ରୁ ଆରମ୍ଭ ହେବାକୁ ଯାଉଛି ଟି-୨୦ ବିଶ୍ଵକପ୍। ଟୁର୍ଣ୍ଣାମେଣ୍ଟର ନବମ ସଂସ୍କରଣ ଓ୍ଵେଷ୍ଟଇଣ୍ଡିଜ ଓ ଆମେରିକାରେ ଖେଳା ଯାଉଛି। ବିଶ୍ଵକପ୍ ଆରମ୍ଭ ହେବା ପୂର୍ବରୁ ବିଶେଷଜ୍ଞ ଓ ପୂର୍ବତନ ବିଶିଷ୍ଟ କ୍ରିକେଟର ଭବିଷ୍ୟତବାଣୀ କରିଥିଲେ।ଏବେ ସୁନୀଲ ଗାଭାସ୍କର ଓ ବ୍ରାଏନ ଲାରା ସମେତ ୧୦ ପୂର୍ବତନ କ୍ରିକେଟର ଟି-୨୦ ବିଶ୍ଵକପ୍ର ସେମି ଫାଇନାଲିଷ୍ଟ ଦଳକୁ ନେଇ ବଡ଼ ଭବିଷ୍ୟତବାଣୀ କରିଛନ୍ତି। ଭାରତର ମହାନ କ୍ରିକେଟର ସୁନୀଲ ଗାଭାସ୍କରଙ୍କ ଅନୁଯାୟୀ ଭାରତ, ଇଂଲଣ୍ଡ, ଅଷ୍ଟ୍ରେଲିଆ ଓ ଓ୍ଵେଷ୍ଟଇଣ୍ଡିଜ ସେମି ଫାଇନାଲ୍ରେ ପ୍ରବେଶ କରିବାରେ ସଫଳ ହେବେ।
Also read: ଇଅନ ମୋର୍ଗାନ କହିଲେ କିଏ ସବୁଠୁ ଷ୍ଟ୍ରଙ୍ଗ ଟିମ୍, ଯିଏ ଟି-୨୦ ବିଶ୍ୱକପ୍ ଜିତିବାର ରହିଛି ବହୁତ୍ ଚାନ୍ସ...
କିନ୍ତୁ ଲାରା ନିଜ ତାଲିକାରେ ଏକ ଆଶ୍ଚର୍ଯ୍ୟଜନକ ନାଁ ରଖିଛନ୍ତି। ଓ୍ଵେଷ୍ଟଇଣ୍ଡିଜର ପୂର୍ବତନ ଅଧିନାୟକଙ୍କୁ ଲାଗୁଛି ଆଫଗାନିସ୍ତାନ ସେମି ଫାଇନାଲ୍ରେ ପ୍ରବେଶ କରିପାରେ। ସେ ଭାରତ, ଇଂଲଣ୍ଡ, ଓ୍ଵେଷ୍ଟଇଣ୍ଡିଜ ବ୍ୟତୀତ ଆଫଗାନିସ୍ତାନକୁ ଟପ୍-୪ଟି ଦଳରେ ରଖିଛନ୍ତି। ନଅ ଜଣ ଏକ୍ସପର୍ଟ ଇଂଲଣ୍ଡକୁ ଏବଂ ଆଠ ଜଣ ଏକ୍ସପର୍ଟ ଅଷ୍ଟ୍ରେଲିଆକୁ ନିଜ ପସନ୍ଦର ଟିମ୍ରେ ସାମିଲ କରିଛନ୍ତି। ଆଉ ସମସ୍ତ ୧୦ ଏକ୍ସପର୍ଟ ଭାରତକୁ ସେମି ଫାଇନାଲ୍ର ପ୍ରବଳ ଦାବିଦାର ମାନିଛନ୍ତି।
ସୁନୀଲ ଗାଭାସ୍କର- ଭାରତ, ଇଂଲଣ୍ଡ, ଅଷ୍ଟ୍ରେଲିଆ, ଓ୍ଵେଷ୍ଟଇଣ୍ଡିଜ
ବ୍ରାଏନ ଲାରା- ଭାରତ, ଇଂଲଣ୍ଡ, ଓ୍ଵେଷ୍ଟଇଣ୍ଡିଜ, ଆଫଗାନିସ୍ତାନ
ଅମ୍ବତି ରାୟୁଡୁ- ଭାରତ, ଇଂଲଣ୍ଡ, ନ୍ୟୁଜିଲାଣ୍ଡ, ଦକ୍ଷିଣ ଆଫ୍ରିକା
ମହମ୍ମଦ କୈଫ- ଭାରତ, ଇଂଲଣ୍ଡ, ଅଷ୍ଟ୍ରେଲିଆ, ପାକିସ୍ତାନ
ପଲ୍ କଲିଙ୍ଗଉଡ- ଭାରତ, ଇଂଲଣ୍ଡ, ଅଷ୍ଟ୍ରେଲିଆ, ଓ୍ଵେଷ୍ଟଇଣ୍ଡିଜ
କ୍ରିସ୍ ମରିସ- ଭାରତ, ଦକ୍ଷିଣ ଆଫ୍ରିକା, ପାକିସ୍ତାନ, ଅଷ୍ଟ୍ରେଲିଆ
ମାଥ୍ୟୁ ହେଡେନ- ଭାରତ, ଇଂଲଣ୍ଡ, ଅଷ୍ଟ୍ରେଲିଆ, ଦକ୍ଷିଣ ଆଫ୍ରିକା
ଏସ୍ ଶ୍ରୀସନ୍ଥ- ଭାରତ, ଇଂଲଣ୍ଡ, ଅଷ୍ଟ୍ରେଲିଆ, ପାକିସ୍ତାନ
ଆରୋନ ଫିଞ୍ଚ- ଭାରତ, ଇଂଲଣ୍ଡ, ଅଷ୍ଟ୍ରେଲିଆ, ଦକ୍ଷିଣ ଆଫ୍ରିକା
ଟମ୍ ମୁଡି- ଭାରତ, ଇଂଲଣ୍ଡ, ଅଷ୍ଟ୍ରେଲିଆ, ଦକ୍ଷିଣ ଆଫ୍ରିକା
ଟି-୨୦ ବିଶ୍ଵକପ୍ ୨୦୨୪ରେ ଭାରତର ଗ୍ରୁପ ସିଡ୍ୟୁଲ
ଭାରତ ବନାମ ଆୟରଲାଣ୍ଡ- ଜୁନ ୫, ନ୍ୟୁୟର୍କ
ଭାରତ ବନାମ ପାକିସ୍ତାନ- ଜୁନ ୯, ନ୍ୟୁୟର୍କ
ଭାରତ ବନାମ ୟୁଏସଏ- ଜୁନ ୧୨ ନ୍ୟୁୟର୍କ
ଭାରତ ବନାମ କାନାଡ଼ା- ଜୁନ ୧୫ ଫ୍ଲୋରିଡ଼ା