ସାନଭାଇର କଟୁରୀ ଚୋଟରେ ବଡଭାଇ ଗୁରୁତର
Published By : Prameya-News7 Bureau | September 19, 2018 IST
ଢେଙ୍କାନାଳ ୧୯/୯:ଢେଙ୍କାନାଳ ସହରର ଷ୍ଟେସନ ବଜାରରେ ଘରୋଇ ବିବାଦକୁ ଦେଇ ମରଣାନ୍ତକ ଆକ୍ରମଣ ହୋଇଛି। ଗତ ରାତ୍ରୀରେ ସାନଭାଇ ଏକ କଟୁରୀରେ ବଡ ଭାଇକୁ ହାଣି ପକାଇଥିବା ଜଣାପଡିଛି। ଫଳରେ ବଡ ଭାଇ ଜାଗର ବେହେରାଙ୍କ ମୁହଁ, ମୁଣ୍ଡ ଓ ଛାତିରେ ଗଭୀର କଟୁରୀ ଚୋଟ ଲାଗିଥିବାବେଳେ ତାଙ୍କ ଅବସ୍ଥା ଅତ୍ୟନ୍ତ ଗୁରୁତର ହୋଇପଡିଛି। ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ଢେଙ୍କାନାଳର ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ମାତ୍ର ତାଙ୍କ ଅବସ୍ଥା ସଙ୍କଟାପନ୍ନ ଥିବାରୁ ତାଙ୍କୁ କଟକ ସ୍ତାନାନ୍ତରିତ କରାଯାଇଥିବା ଜଣାପଡିଛି।