ରାୟପୁର: ବିଧାନସଭା ନିର୍ବାଚନ ପୂର୍ବରୁ ଛତିଶଗଡ଼ କଂଗ୍ରେସ ବଡ଼ ନିଷ୍ପତ୍ତି ନେଇଛି। ପାର୍ଟି ବରିଷ୍ଠ ନେତା ତଥା ସ୍ଵାସ୍ଥ୍ୟ ମନ୍ତ୍ରୀ ଟିଏସ ସିଂହଦେଓଙ୍କୁ ରାଜ୍ୟର ଉପମୁଖ୍ୟମନ୍ତ୍ରୀ ପଦରେ ନିଯୁକ୍ତ କରିଛି। ବୁଧବାର ଛତିଶଗଡ଼କୁ ନେଇ କଂଗ୍ରେସ ହାଇକମାଣ୍ଡଙ୍କ ଦିଲ୍ଲୀରେ ବୈଠକ ବସିଥିଲା। କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେଙ୍କ ବାସଭବନରେ ଅନୁଷ୍ଠିତ ବୈଠକରେ ମୁଖ୍ୟମନ୍ତ୍ରୀ ଭୂପେଶ ବଘେଲ ଏବଂ ଟିଏସ ସିଂହ ଦେଓ ଉପସ୍ଥିତ ଥିଲେ। ଏହି ନିଯୁକ୍ତିକୁ ଛତିଶଗଡ଼ କଂଗ୍ରେସର ବିବାଦ ସମାଧାନ ଦିଗରେ ବଡ଼ ପଦକ୍ଷେପ କୁହାଯାଉଛି।

हैं तैयार हम.
महाराज साहब को उपमुख्यमंत्री के रूप में दायित्व के लिए बधाई एवं शुभकामनाएँ. @TS_SinghDeo pic.twitter.com/1sRZqsEU2W

— Bhupesh Baghel (@bhupeshbaghel) June 28, 2023

ଟିଏସ ସିଂହଦେଓଙ୍କୁ ଛତିଶଗଡ଼ର ଉପମୁଖ୍ୟମନ୍ତ୍ରୀ କରାଯିବା ଉପରେ ମୁଖ୍ୟମନ୍ତ୍ରୀ ଭୂପେଶ ବଘେଲ ତାଙ୍କୁ ଅଭିନନ୍ଦନ ଜଣାଇଛନ୍ତି। ସେ କହିଛନ୍ତି ଆମେ ପ୍ରସ୍ତୁତ। ମହାରାଜ ସାହାବଙ୍କୁ ଉପମୁଖ୍ୟମନ୍ତ୍ରୀ ଭାବେ ଦାୟିତ୍ଵ ପାଇଁ ଅଭିନନ୍ଦନ ଏବଂ ଶୁଭକାମନା।

ସୂଚନାଯୋଗ୍ୟ, ୨୦୧୮ ଗତ ବିଧାନସଭା ନିର୍ବାଚନରେ ଭୂପେଶ ବଘେଲ ଏବଂ ଟିଏସ ସିଂହଦେଓଙ୍କ ଯୋଡ଼ି କଗ୍ରେସକୁ ନିର୍ବାଚନ ଜିତାଇବାରେ ବଡ଼ ଭୂମିକା ଗ୍ରହଣ କରିଥିଲେ। ମୋଟ୍ ୯୦ ଆସନରୁ କଂଗ୍ରେସ ୬୮ଟିରେ ବିଜୟ ହାସଲ କରିଥିବା ବେଳେ ବିଜେପି ଖାତାକୁ ମାତ୍ର ୧୫ଟି ସିଟ୍ ଯାଇଥିଲା। ବିଜୟ ପରେ ଭୂପେଶ ବଘେଲଙ୍କୁ ରାଜ୍ୟର ମୁଖ୍ୟମନ୍ତ୍ରୀ କରାଯାଇଥିଲା। ଟିଏସ ସିଂହଦେଓଙ୍କୁ ସ୍ଵାସ୍ଥ୍ୟ ମନ୍ତ୍ରୀ ଦାୟିତ୍ଵ ଦିଆଯାଇଥିଲା। ତେବେଠୁ ଉଭୟଙ୍କ ସଂପର୍କରେ ଫାଟ ସୃଷ୍ଟି ହୋଇଥିଲା। କିନ୍ତୁ ଅନେକ ସମୟରେ ଦୁଇ ନେତାଙ୍କୁ ଏକତ୍ର ଦେଖିବାକୁ ମିଳିଥିଲା।

ଏ ଖବର ପଢନ୍ତୁ- ତୀବ୍ର ହେଉଛି ଚତିଶଗଡ଼ କଂଗ୍ରେସ କଳି, ସିଂଦେଓଙ୍କ ସମର୍ଥକଙ୍କୁ ମଞ୍ଚରୁ ଧକ୍କା ମାରି ତଡ଼ିଲେ ବଘେଲଙ୍କ ସପୋର୍ଟର